روسیه : د اوکراین لخوا د روسیې د هلیکوپټرې د تښتولو پلان مو شنډ کړ

د روسیې د فدرالي امنیت ادارې راپور ورکړی چې د اوکراین هغه پلان چې د روسیې د یوې هلیکوپټرې د تښتولو هڅه یې کوله شنډ کړای شو.
د روسیې د فدرالي امنیت ادارې په اعلامیه کې ویل شوي چې د اوکراین د دفاع وزارت د استخباراتو عمومي ریاست  پلان درلود چې د عملیاتو له لارې هغه روسي "Mi-8MTPR-1" هیليکوپټر وتښتوي چې د راډیو الیکترونیکي وسایلو پر وړاندې مبارزه کوي. 

په دې اعلامیه کې، چې د دغه عملیاتو د مخنیوي خبر ورکړل شوی، ویل شوي:

د اوکراین پوځي استخباراتو هڅه وکړه چې یو روسي پیلوټ خپلې خوا ته راکاږي او هليکوپټر تري وتښتوي. د دې په ځواب کې روسي استخباراتو د اوکراین د هوايي دفاعي سیستم او د اوکراین د پوځي واحدونه ځای پر ځای شوي وو کشف کړل او بریدونه یې ترسره کړل.

د کرملین ویاند دیمیتري پیسکوف هم اعلان وکړ چې د روسیې د فدرالي امنیت ادارې د دې مسلې په اړه د روسیې ولسمشر ولادیمیر پوتین ته خبر ورکړی.