په انګلستان کې هغه کښتۍ چې کډوال به پکې میشت کړی شي په فعالیت پيل وکړ.
د انګلستان د کورنیو چارو وزارت اعلان کړی چې لومړۍ ډله پناه غوښتونکي هغه بیړۍ ته لېږدول شوي چې کډوال به پکې ځای په ځای کړی شي.
په انګلستان کې هغه کښتۍ چې کډوال به پکې میشت کړی شي په فعالیت پيل وکړ.
د انګلستان د کورنیو چارو وزارت اعلان کړی چې لومړۍ ډله پناه غوښتونکي هغه بیړۍ ته لېږدول شوي چې کډوال به پکې ځای په ځای کړی شي.
د انګلستان لخوا د ډورسیټ په سیمه کې د پورټلینډ په بندر کې لنګر اچوونکي سترې کښتۍ چې کډوال به پکې اوسیږي ، په فعالیت پيل وکړ او لومړنۍ ډله کډوال پکې میشت شول.
د انګلستان د کورنیو چارو وزارت په یوه بیان کې تایید کړې چې ګڼ شمېر پناه غوښتونکي د بيبي سټاکهولم په بیړۍ کې ځای پر ځای شوي او په راتلونکو میاشتو کې به تر ۵۰۰ نور هم ولېږدول شي.
د ډورسیټ او ولټشیر د اور وژنې او ژغورنې ادارې یوه ویاند وویل ، چې دوې د کورنیو چارو وزارت او ددې سترې کښتۍ د چارو مسئول شرکت ته اور لګیدنې او امنیت په اړه لازمې لارښونې کړي دي. د اړتیا په صورت کې دوې په عملي توګه هم لارښونو او سلامشورو ته چمتو دي
ویاند زیاته کړه چې دا به مناسبه نه وي چې په کښتۍ کې د اور وژنې تدابیرو او د ژغورنې پلانونو په اړه نور توضیحات وړاندې کړي ، ځکه چې دا د کښتۍ خوندیتوب او هغه څوک چې په کې ځای په ځای کیږي خوندیتوب باندې اغیزه کولی شي.
د ویلو ده چې د انګلستان حکومت د ټولو نیوکو سره سره په کښتۍ کې د کډوالو په ځای په ځای کولو پيل وکړ.
