پوتین د شپږو افریقايي هیوادونو سره ژمنه وکړه چې وړیا غنم به ورکړي
د روسیې ولسمشر ولادیمیر پوتین د شپږو افریقايي هیوادونو سره په وړیا توګه دوې ته د غنمو ورکولو ژمنه وکړه.
د روسیې ولسمشر ولادیمیر پوتین د شپږو افریقايي هیوادونو سره په وړیا توګه دوې ته د غنمو ورکولو ژمنه وکړه.
روسیې چې لنډه موده مخکې د غنمو دهلیز تړون څخه ووتله ، د افریقایي هیوادونو د سرمشریزې کوربه توب يي وکړ. د روسیې ولسمشر ولادیمیر پوتین د تورسمندرګي د غلې دانې د تړون د نه غځولو لامل د لویدیځ دوه ګونی چلند او دوه مخکي په ګوته کړ. ولادیمیر پوتین شپږو افریقایي هیوادونو ته په وړیا توګه د غلې ورکولو ژمنه وکړه.
د روسیې ولسمشر ولادیمیر پوتین سینټ پیټرزبرګ ښار کې جوړه شوې د روسیې او افریقا د سرمشریزې کوربه توب وکړ.
پوتین نوموړې سرمشریزه ته د وینا پر مهال ادعا وکړه چې لویدیځو هیوادونو د روسیې لپاره دا ستونزمنه کړې چې نړۍ ته د غلو دانو او سرې صادر وکړي. "دوی بیا په ډیرې بې شرمۍ او منافقانه توګه په نړیوال بازار کې د خوراکي توکو د بیو د لوړیدو او بحران پړه پر مونږ اچوي. له بده مرغه چې مونږ او ټولې نړۍ د تورسمندري ګي د غلو د تړون پر مهال ددې بې عدالتۍ او دوه مخۍ شاهدي وکړه.
هغه وویل، له همدې امله دوی د غلې دانې له تړون څخه وتلي دي. "هیڅ هغه څه مونږ يي په اړه خبرې کړې وې او تر ټولو مهمه زمونږ ژمنه شوې وې نه دي ترسره شوي. د لویدیځ د ناحقه او بې ځایه بندیزونو له امله د نړۍ بازارونو ته د روسیې د غلو او سرې صادراتو د وتلو په اړه د موافقې هیڅ یو شرط نه دی پوره شوی. بې بنسټه خنډونه ځای پر ځای شوي وو، "
پوتین اعلان وکړ چې دوی به افریقایي هیوادونو ته وړیا غله واستوي او وویل: "په راتلونکو میاشتو کې به د بورکینا فاسو، زیمبابوې، مالي، سومالیا، مرکزي افریقا جمهوریت او اریتریا ته له,۲۵۰۰۰ څخه تر ۵۰۰۰۰ ټنو وړیا غلې ورکړو. دا غله به د راتلونکو دریو څخه تر څلورو میاشتو پورې هغوې ته ورسو."
اړوند خبرونه
په هالنډ کې د اسلام په اړه د خلکو لیوالتیا ډیره شوې
په هالنډ کې په زرګونو تنو د هالنډي ترجمې سره قرانکریم وویشل شول