د کوسوو لومړي وزیر البین کورتي امریکا او اروپايي ټولنه صربستان ته د امتیاز په ورکولو تورن کړل
د کوسوو لومړي وزیر البین کورتي ادعا وکړه چې د امریکا او اروپايي ټولنې استازي د کوسوو په وړاندې متعصب دي او د صربستان له رژیم سره زغم ښيي.
د کوسوو لومړي وزیر البین کورتي ادعا وکړه چې د امریکا او اروپايي ټولنې استازي د کوسوو په وړاندې متعصب دي او د صربستان له رژیم سره زغم ښيي.
کورتي د اسوشیټیډ پریس (AP) سره په مرکه کې، د بلګراد-پرستینا ډیالوګ لپاره د اروپايي اتحادیې ځانګړي استازي میروسلاف لاجیک او د لویدیځ بالکان لپاره د امریکا ځانګړي استازي ګبریل ایسکوبار په اړه وویل، " دوی موږ ته د مقابل لوري د غوښتنو سره راځي "
کورتي وویل چې "تر هغه چې جنایتکاره صرب ډلې له هیواد څخه وتلي یا نیول شوي نه وي"، د کوسوو په شمال کې د پولیسو ځانګړي ځواکونه کم نه شي.
" تر کومه چې د بلګراد څخه د تاوتریخوالي امر نه وو راغلی ، په کوسوو کې سوله حاکمه وه."
کورتي ټینګار وکړ چې لویدیځ هیوادونه باید صربیانو ته امتیاز قایل نشي ، ځکه چې همدې په لویدیځ بالکان کې د تاوتریخوالي اصلي لامل دي.
البین کورتي د کوسوو په شمال کې چې ډیری صربیان پکې میشت دي په ښاروالۍ کې د اپریل په میاشت کې ترسره شوي غیر معمولي محلي ټاکنو ته په اشارې سره وویل،
"نړیوالو منځګړو او اروپايي تسهیل کوونکو موږ یواځې پریښودو."
کورتي وویل چې هغه د عادلانه سیالۍ، نوو ښاروالانو ټاکنو او دیموکراتیک سیالۍ لپاره د نړیوالې ټولنې مرستې ته اړتیا لري.
"ځکه چې مونږ نور د ټاکنو په درشل کې د صرب نوماندانو لخوا د ټاکنو د بایکاټ کولو زغم نلرو. صربستان غواړي چې یو ځل بیا زمونږ پر وړاندې ستونزې رامنځته کړي."
