د امریکا ، سویلي کوریا او جاپان مشران د جاپان په هیروشیما کې لیدنه کوي

د امریکا ولسمشر جو بایډن، د جنوبي کوریا ولسمشر یون سوک یول او د جاپان لومړي  کیشیدا فومیو به د جاپان په هیروشیما کې سره وګوري.

د جاپان د  کيودو خبري اژانس  ، د يوه لوړ پوړي امريکايي چارواکي په حواله چې نه يې غوښتل نوم يې افشا شي لیکلي دي چې  د امريکا ولسمشر جو بایډن، د جنوبي کوريا له ولسمشر يون او د جاپان له لومړي وزیر کيشيدا سره په درې اړخيزه سرمشريزه کې لیدنه وکړه.

چارواکي د سرمشریزې د نیټې په اړه روښانه معلومات ندي ورکړي، خو ویلي دي چې تمه کیږي په هیروشیما کې ترسره شي.

د جاپان لومړي وزیر کیشیدا فومیو او د سویلي کوریا ولسمشر یون سوک یول د مارچ په میاشت کې په توکیو کې سره لیدنه کړې وه.

د جنوبي کوریا ولسمشر د شمالي کوریا توغندیز ګواښونو ته په اشارې سره وویل چې  موږ له (کیشیدا) سره موافقه کړې چې د شمالي کوریا د اټومي او توغندیو پراختیا د کوریا په ټاپووزمه او شمال ختیځه اسیا کې سوله ګواښي.

بایډن د اپرېل په ۲۶مه په سپینه ماڼۍ کې له یون سره تر لیدنې وروسته په ګډه خبري غونډه کې وویل، دا به د منلو وړ نه وي چې شمالي کوریا د امریکا او متحدینو پر ضد اټومي برید وکړي. مهمه نده چې دا برید د کوم رژیم لخوا ترسره کیږي  ، دا به د هغوې  پای وي.

بایډن چې دوه اړخیز دفاعي تړونونه پیاوړي دي، دوی د شمالي کوریا د اټومي فعالیتونو په وړاندې د کوریا په ټاپو وزمه کې "پراخه اټومي دفاع" ته ژمن دي.

بایډن وویل چې پدې برخه کې د هغه هیواد او سویلي کوریا ترمنځ د "واشنګټن اعلامیه" لاسلیک شوې او دا چې اټومي مشورتي ډله  به د اټومي ګواښونو په مقابل کې د دواړو هیوادونو ترمنځ د خبرو اترو لپاره رامینځته شي.