شمالي کوریا په سیمه کې د امریکا او جنوبي کوریا د ګډو پوځي تمریناتو په غبرګون  کې اتومي ضد دوه ورځني

شمالي کوریا په سیمه کې د امریکا او جنوبي کوریا د ګډو پوځي تمریناتو په غبرګون  کې اتومي ضد دوه ورځني تطبیقات اعلان کړل.

 شمالي کوريا د امريکا او جنوبي کوريا ترمنځ د ګډو پوځي تمرينونو په مقابل کې غبرگون وښود. د شمالي کوریا رسمي خبري اژانس په یوه بیان کې ویلي چې شمالي کوریا د ګډ تمرین په  غبرګون کې اټومي برید سره د مقابله کولو په موخه دوه ورځني تطبیقات پیل کړل.

د شمالي کوریا مشر کیم جونګ اون  چې پخپله  د دې تطبیقاتو مشري کوله د تطبیقاتو په چوکاټ  دا یادونه وشوه چې د هیواد د تاکتیکي اټومي ځواکونو ظرفیت او خوندیتوب د خالي په ورځ معاینه شو.

د تطبیقاتو په پروني پړاو کې بیا د تاکتیکي اټومي برید د سیمولیشن په ترڅ کې یو بالستیک توغندی وتوغول شو.

 د یادولو وړ ده دغه توغندی چې د شمالي پیونګان ولایت د چولسان سیمې څخه توغول شوی وو د ۸۰۰ کیلومتره واټن وهلو وروسته له ختیځ سمندر څخه په ۸۰۰ متره لوړوالي کې وچول شو.

کیم جونګ اون چې له خپلې لور کیم جو ای سره یې د پوځ له خوا د تمرین مشري کوله، وویل چې اوسنیو حالاتو کې چې د شمالي کوریا پر وړاندې د دښمنانو توطیې ورځ تر بلې زیاتې شوي. د دښمنانو دا توطیې او بریدګر چلندونه دا اړینه کړې چې دشمالي کوریا خپل اټومي طاقت او د دفاع میکانیزم لا پسې پیاوړی کړي. د اټومي جګړې مخنیوی نور هم پیاوړی کړي. کیم پوځ ته د اټومي بریدونو لپاره د بشپړ چمتووالي لارښوونه وکړه، وویل چې دا مهمه ده چې دا ډول تمرینونه په دوامداره توګه د ریښتینې جګړې په څیر شرایطو کې ترسره شي، ترڅو پوځ غیر متوقع حالت ته سمدستي ځواب ووایي او په هر وخت کې یو ماتونکي اټومي ځواب ووایی.

کیم وویل د دې خبرې په ټینګار سره چې یوازې د اټومي وسلو لرونکي دولت شتون د جګړې مخنیوي لپاره کافي ندي  ، "په هرصورت موږ باید چمتووالی بشپړ کړو ، ډاډ ترلاسه کړو چې هر ډول اټومي برید په مقابل کې باید پخپل وخت او دقیق ډول ځواب ورکړل شي.

موږ کولی شو د جګړې د مخنیوي مهم ستراتیژیک دنده ترسره کړو."

شمالي کوریا د جنوبي کوریا او امریکا لخوا تیره اونۍ په سیمه کې د " ازادۍ ډال " ګډو تطبیقاتو په غبرګون  کې د توغندیو ازموینه ترسره کړه. په نهایت کې ، پرون اعلان شو چې پیونګ یانګ د جاپان سمندر په لور یو نوی لنډ واټن بالستیک توغندی وتوغاوه.