د سویډن لومړي وزیر اعتراف وکړ چې دوی د ترهګرو سازمانونو مالي فعالیتونو ته جدي پاملرنه نده کړې.
د سویډن لومړي وزیر الف کریسټرسن اعتراف وکړ چې دوی د ترهګرو سازمانونو مالي فعالیتونو ته جدي پاملرنه نده کړې.
د سویډن لومړي وزیر الف کریسټرسن اعتراف وکړ چې دوی د ترهګرو سازمانونو مالي فعالیتونو ته جدي پاملرنه نده کړې.
الف کریسټرسن په پلازمېنه ستاکهولم کې د ناټو له عمومي منشي ینس سټولټنبرګ سره په ګډه خبري غونډه کې خبرې وکړې.
کریسټرسن په خپلو خبرو کې له ترهګرۍ سره د مبارزې نه یادونه وکړه.
کریسټرسن ددې خبرې په ټینګار وویل چې سویډن په هیواد کې د تروریستي سازمانونو مالي فعالیتونو تر دې دمخه جدي پاملرنه نوه کړې.
"اوس موږ دې مسئلې ته په ډیره جدي توګه پاملرنه کوو. موږ پوهیږو چې هغه خلک چې د PKK لپاره پیسې راټولوي مختلف جنایي لارې کاروي او بل دا چې دوی د تروریزم تمویل کوي. د سازمان شوي جرمونو سره په مبارزه کې د حکومت تمرکز به د PKK کار ډیر ستونزمن کړي."
کریسټرسن دې ته په اشارې سره چې د تروریزم په اړه د جزا نوی قانون به د مارچ په نهمه د سویډن په پارلمان کې تصویب شي، وویل: "د دې قانون سره به د تروریستي سازمانونو سره یوځای کیدل او د مالي تمویل مخه ونیول شي. قانون به د جون له لومړۍ نیټې څخه نافذ شي."
کریسټرسن وویل چې هیواد یې د نړیوال تروریزم سره د مبارزې لپاره دې قانون ته اړتیا لري.
"د سویډن، فنلنډ او تورکیې ترمنځ درې اړخیز تفاهم لیک له ترهګرو ډلو سره په ګډه مبارزه غواړي.".
تورکیه د ناټو په سازمان کې د فنلنډ او سویډن چې د جون په ۲۸ مه د اسپانیا په مادرید ښار کې د ناټو په سرمشریزه کې د غړیتوب غوښتنه کړې وه، نه منظوروي. انقره د نوموړو دوو هیواونو نه چې په ښکاره توګه د ترهګرو نه ملاتړ کوي د ترهګرو پر خلاف د مبارزې غوښتنه کوي او پدې برخه کې په کړو ژمنو د عمل کولو غوښتنه کوي.
اړوند خبرونه
د استرالیا په سیډني ښار کې په یوې کلیسا کې د چړې په برید کې ۴ تنه ټپیان شوي دي.
د ۹ نیوز د خبر له مخې د سیډني په کریسټ دی ګډ شیفرډ کلیسا کې د چړې برید شوی.