د مایکروفون بندول يي هیر شوي وو، ښکنځل يي ټولو واوریده

د اروپایی ټولنې کمیسیون غړي اولیور ویرهیلي چې د اروپا پارلمان  په غونډه کې د خپل مایکروفون بندول هیر کړي وو ، د هغه لخوا د پارلمان وکیلانو ته ښکنځل د ټولو لخوا واوریدل شوه.

ویرهیلي چې د بلجیم په پلازمینه بروکسل کې د د اروپا د پارلمان په عمومي غونډه کې د "لویدیځ بالکان په لور د پراختیا پالیسي" په غونډه کې ګډون کړی وو  د پارلمان د وکیلانو پوښتنې ځواب کړې.

وکیلانو ډېرې  زیاتې پوښتنې وکړې او غونډه اوږده شوه. پداسې حال کې چې ویرهیلي د مایکروفون بندول هیر کړي وو په خپله مورنۍ ژبه هنګري باندې وویل چې په لست کې نور احمقان پاتې دي او که نه؟ د هغه دا خبره د ټولو وکیلانو لخوا واوریدل شوه.

له دې وروسته، د هنګري مخالف ګوند، دیموکراتیک ایتلاف، د ویرهلي د استعفا غوښتنه وکړه. د سوسیال ډیموکراټ ګوند استازي سانډور رونای وویل " د اروپا په پارلمان کې  کې دا معمول نه دی چې  څوک خپلو مخالفینو ته د احمقانو خطاب وکړي.

نوموړي ګوند اعلان وکړ چې ددې  پیښې راپور به  د اروپایی کمیسیون رئیس ته ورکړي.