روسیې د استونیا د سفیر د شړولو پریکړه وکړه.

روسیې په مسکو کې د استونیا له سفیر مارګوس لایدرې غوښتي چې له دغه هېواده ووځي.

1936614
روسیې د استونیا د سفیر د شړولو پریکړه وکړه.

روسیې د استونیا د سفیر د شړولو پریکړه وکړه.

 روسیې په مسکو کې د استونیا له سفیر مارګوس لایدرې غوښتي چې له دغه هېواده ووځي.

د روسیې د بهرنیو چارو وزارت لخوا په یوه خپور شوي  بیان کې یادونه شوې چې استونیا پریکړه کړې چې په تالین کې د روسیې په سفارت کې د کارمندانو شمیر کم کړي.

په بیان کې راغلي دي چې د استونیا د هیواد دا پریکړه یو "غیر دوستانه" ګام دی. په باالمثل  ځواب کې  په مسکو کې د استونیا سفیر لایدری د بهرنیو چارو  وزارت ته احضار شوی.

"روسیې په ځواب کې پریکړه وکړه چې په دواړو هیوادونو کې د ډیپلوماټیک نمایندګۍ کچه د شارژډافیرانو کچې ته راټیټه کړي. سفیر ته د استونیا د حکومت د کړنو له امله یو احتجاج یاداښت ورکړل شو د هغه نه د ۲۰۲۳ کال د فبروري تر ۷ مې نیټې پورې د  روسیې نه د وتو غوښتنه وشوه.  روسیه  ویلي دي  چې د استونیا په اړیکو کې د موجود وضعیت د رامنځته کولو ټول مسؤلیت د استونیا په غاړه دی. مونږ به په راتلونکي کې د استونیا د ادارې د دښمنانه ګامونو په وړاندې غبرګون ته دوام ورکړو."

د استونیا د بهرنیو چارو وزارت د جنورۍ په ۱۱ مه غوښتنه کړې وه چې روسیه دې د فبرورۍ تر لومړۍ نیټې پورې په دغه هیواد کې د ډیپلوماټانو شمیر ۸ ته راکم کړي.


پيوندونه: #سفیر , #استونیا , #روسیه

اړوند خبرونه