په سویډن کې قرانکریم ته سپکاوي او سوځولو د نړۍ په کچه سخت غبرګونونه پارولي دي.
په سویډن کې قرانکریم ته سپکاوي او سوځولو په اړه سخت غبرګونونه دوام لري
په سویډن کې قرانکریم ته سپکاوي او سوځولو د نړۍ په کچه سخت غبرګونونه پارولي دي.
په تورکیه کې تیره ورځ د سهار د لمانځه نه وروسته په ټولو جوماتونو کې د قرانکریم ختمونه او دعاګانې وشوې. همداشان په یو زیات شمیر ښارونو کې خلکو د سهار د لمانځه نه وروسته د سویډن د قونسلګرۍ او په پلازمینه انقره کې بیا د سفارت پر لورې لاریون وشو.
اذربایجان په سویډن کې پر قران کریم برید په کلکو ټکو وغنده.
د اذربایجان د بهرنیو چارو وزارت لخوا د ټولنیزې مډیا له لارې په خپور شوي بیان کې کې ویل شوي چې پر قرآن برید د کرکې وړ جنایت دی او د بیان له ازادۍ سره تړاو نه لري. په بیان کې راغلي دي چې
"مونږ په ستاکهولم کې د تورکیې د سفارت مخې ته قرآن کریم دغه سپکاوی په کلکه غندو. موږ د سویډن پر حکومت غږ کوو چې د دغه کرکې د جرم عاملین ژر تر ژره د عدالت منګولو ته وسپاري."
په همدې حال کې د شمالي قبرس د تورکي جمهوریت ولسمشر ارسين تاتار په يوه ليکلي بيان کې په سويډن کې د تورکيې د سفارت مخې ته د قران کريم سوځول غندلي او ويلي يې دي، دا ډول وحشیانه او ضد انساني کړنلارې ټولې نړۍ ته ګواښ دی. دا په ښکاره توګه د نړۍ سولې ته د بم ایښودو په معنا دي."
د سینیګال ولسمشر ماکي سال په خپل ټویټر پاڼه کې لیکلي "زه د ښي اړخه راسموس پالوډان د کرکې وړ عمل په کلکه غندم چې قرآن یې سوځولی دی."
سال وویل چې اسلاموفوبیا او د مسلمانانو ضد احساسات، چې هغه یې "کرکه" بولي، پر خلاف باید پرته له جوړجاړي سره مبارزه وشي.
د یادونې وړ ده چې ولسمشر سال خپل پوسټونه په فرانسوي او انګلیسي دواړو ژبو کې نشر کړي دي.
د سوریې په شمال کې په بیزا، چوبان بای او مار کې په زرګونو کسانو د اسلامي ارزښتونو د سپکاوي پر خلاف په اعتراضیه لاریون کې ګډون وکړ.
مظاهره چیانو د سویډن لخوا د ډنمارک ښي اړخه افراطي یو ګوند مشر راسموس پالودان ته د قرانکریم د سوځولو د اجازې ورکولو له امله د سویډن بیرغ ته اور واچاوه او ددې هیواد پر خلاف يي سخت غبرګون وښود.
مظاهره چیانو ددې شعارونو سره " قرآن کریم ته غځیدلي چټل لاسونه دې مات شي"، "قرآن هغه سپیڅلی کتاب دی چې مونږ ته د سمې لارې لارښوونه کوي"، "قرآن زمونږ لاره ده" او "د ظلم پر وړاندې چوپتیا". شیطان کار دی".
په عراق کې د الصدر غورځنګ مشر مقتدا الصدر په سویډن کې د قران کریم د سوځولو د غندلو لپاره د یو میلیون لاسلیکونو د راټولولو او د سویډن سفارت ته د استولو غوښتنه کړې ده.
په لويديځ تراکیا كې د توركي لږكيو بنسټونو او سازمانونو هم په سويډن كې پر قرآن باندې بريد غندلى دى.
د دوستۍ او برابرۍ د سولې ګوند له خوا په خپره شوې خبرپاڼه کې ويل شوي، چې د قرآن کريم په وړاندې دغه ناوړه چلند او عمل په کلکه غندي.
د سیمې منتخب مفتي په بیان کې په دې ټینګار شوی چې د سویډني چارواکو دا خبره د منلو وړ نه ده چې په قرآن باندې برید د بیان د ازادۍ په توګه وګڼي.
په اعلاميه کې راغلي دي: «مونږ د لويديځې تراکیا د مسلمانو ترکانو په توګه د خپل سپېڅلي کتاب، قرآن او زمونږ د دين اسلام پر وړاندې دغه ناوړه چلند او عمل په کلکه غندو.
همداشان په امریکا کې د تورک – امریکا د ملي رهبرۍ کمیټې چې څه باندې ۱۵۵ تورکي ټولنې ددوې د چت لاندې فعالیت کوي په سويډن كې د قرآن كريم سوځول وغندل.
د ډنمارک د ښي اړخي سخت دریځه ګوند مشر راسموس پالودان د تیر خالي په ورځ په ستاکهولم کې د تورکیې د سفارت مخې ته د پولیسو د ډیر سخت امنیت لاندې قرانکریم وسوځو. همداشان سویډن پولیسو د مظاهرې په ترڅ کې هیچا ته اجازه ورنکړه چې افراطي پلودان ته نږدې شي.
اړوند خبرونه
د مالیزیا سمندري ځواکونو اړوند د دوو چورلکو د جنیګدو له امله لږ تر لږه لس تنو ژوند د لاسه ورکړ.
په مالیزیا کې د رسم ګذشت پریډ لپاره د تمرین پر مهال دوه چورلکو په هوا کې سره ټکر کړی دی