په امریکا کې د چین د نوي کال د لمانځولو پر مراسمو وسله وال برید شوی دی.

د امریکا د کلیفورنیا ایالت په مونټیري پارک کې د چین د نوي کال د لمانځنې پر مراسمو  د وسله وال برید  په پایله کې لږ تر لږه ۹ تنه وژل شوي دي.

1936338
په امریکا کې د چین د نوي کال د لمانځولو پر مراسمو وسله وال برید شوی دی.

په امریکا کې د چین د نوي کال د لمانځولو پر مراسمو وسله وال برید شوی دی.

د امریکا د کلیفورنیا ایالت په مونټیري پارک کې د چین د نوي کال د لمانځنې پر مراسمو  د وسله وال برید  په پایله کې لږ تر لږه ۹ تنه وژل شوي دي.

پولیسو ویلي دي چې په برید کې لږ تر لږه ۹ تنه وژل شوي دي. د لاس انجلس د پولیسو  څانګې یو تن مسئول باب بویس خبري رسنیو ته وویل چې برید په مونټیري پارک ښار کې په شپې په یو کلوپ کې  شوی دی. برید د یو تن نارینه لخوا شوی دی.

پولیسو ویلي دي چې برید کوونکی چې د پیښې د ځای نه تښتیدلی وو د برید نه څه باندې ۱۰ ساعته وروسته په یو موټر کې مړ موندل شوی دی. داسې ګمان کیږي چې د برید کوونکي پخپله ځان وژنه کړي وي.

پولیسو ویلي دي چې داسې ګمان کیږي چې برید کوونکي د بل برید هوډ هم درلود . برید کوونکی د لومړني برید نه  نیم ساعت وروسته په ګاونډي ښار یو بل د شپې کلوپ ته ننوتی وو خو هلته د خلکو لخوا بې وسلې شوی وو او وسله ترینه اخیستل شوې وه.

د پولیسو په وینا برید کوونکي ۷۲ کاله عمر درلود.

برید کوونکی په یو سپین رنګ موټر کې د پیښې د ځای نه تښتیدلی وو چې د پولیسو د څار لاندې وو.

پولیسو چې کله د هغه موټر پيدا کړ ولیدل چې د موټر په منځ کې برید کوونکي مړی هم پروت دی. د برید انګیزه معلومه نده.



اړوند خبرونه