د بلجیم په پلازمینه بروکسل کې  د چړو په واسطه درې جلا جلا بریدونه رامنځته شوي دي.

د بلجیم په پلازمینه بروکسل کې  د چړو په واسطه درې جلا جلا بریدونه رامنځته شوي دي.

د بروکسل د اندرلچت ولسوالۍ په ویوید سیمه کې چې یوه بریدګر په  چړې سره د بروکسل د سیمه ییزې ادارې اړوند  د سپورتي مرکز څخه په  راوتلو خلکو برید وکړ. د پیښې نه وروسته د پېښې ځای ته د پولیسو او روغتیايي ټیمونه واستول  شول. مسئولینو  ویلي دي  چې پدې پيښه کې  ۳ تنه ټپیان شوي، چې د یو تن روغتیايي حالت نازک دی. ويل کيږي چې بريدګر له سيمې تښتيدلي او تراوسه پورې نه دي نيول شوي.

همداشان د لومړني برید نه شاوخوا ۲۰ دقیقې وروسته  د ګېلس په بیتلیم چوک کې یو بریدګر  په یو تن د چړې سره برید وکړ او د پیښې د ځای نه وتښتید. پولیسو ویلي دي  پیښې قرباني د پيښې په ځای کې  ژوند د لاسه ورکړی دی. تر دې برید لږ وروسته د کډوالو په یوه مرکز کې د دوو کسانو تر منځ جګړه وشوه. د مسئولینو په وینا پدې جګړه کې هم یو تن په بل کس د چړې برید وکړ چې ځای په ځای يي ژوند د لاسه ورکړ.

په داسې حال کې چې د پرله پسې بریدونو په اړه تر اوسه هر اړخیزې څرګندونې نه دي شوي، خو څارنوالۍ ویلي چې تر اوسه یې ددې بریدونو په تړاو څوک نه دي نیولي . ددې بریدونو د جزیاتو به اړه د څه ویلو نه ډډه شوې . دا لا معلومه نده چې دا بریدونه د ترهګرۍ سره کوم تړاو لري او که نه؟