روسیې د اروپا په پارلمان سایبري بریدونه کړي دي

د اروپا پارلمان  مشرې رابرټا میټسولا اعلان وکړ وروسته له هغې چې د اروپا پارلمان روسیه د "ترهګرۍ ملاتړی هیواد" اعلان کړ سایبري بریدونه پرې شوي دي.

رابرټا میټسولا خپل ټویټر پاڼې له لارې په خپور کړي بیان کې ویلي دي چې ،

" د اروپا پارلمان د یو پیچلي سایبري برید لاندې دی. (د روسیې د ولسمشرۍ ماڼۍ) کرملین پلوه  د هکرانو یوې ډلې ددې بریدونو  مسؤلیت په غاړه اخیستی دی."

میټسولا  وویل چې د معلوماتي ټکنالوجۍ متخصصین د برید سره مبارزه کوي.

"دا وروسته له هغه وشوه چې موږ روسیه د "ترهګرۍ ملاتړی هیواد" په توګه اعلان کړ.

میټسولا په خپور کړي بیان کې وویل چې روسیې ته "زما ځواب دا دی: سلاوا اوکرایني (اوکراین زنده باد)".

د اروپا پارلمان د فرانسې په سټراسبورګ په ښار کې په خپله عمومي جلسه کې هغه مسوده چې روسیه پکې د غیر انساني او ظالمانه کړنو په تور د ترهګرۍ ملاتړ کونکي هیواد  په توګه د اعلانولو غوښتنه شوې وه د ۵۸ مخالفو رایو په مقابل کې د ۴۹۴ موافقو رایو تصویب کړه.

پدې ډول د اروپا پارلمان روسیه د ترهګرۍ ملاتړي هیواد په توګه اعلان کړ.