د ناټو مشر : که چیرې اوکراین د روسیې سره مذاکراتو شرایط ومني مونږ به ترینه ملاتړ وکړو

د ناټو سازمان  سرمنشي ینس سټولټنبرګ د اوکراین  او روسیې  ترمنځه د احتمالي خبرو اترو  پيلیدو په اړه د ناټو سازمان د دریځ په اړه معلومات ورکړل. هغه وویل چې زمونږ لپاره مهم د اوکراین غوښتنه ده. که شرایط ومنل شي مونږ به د اوکراین ملاتړ وکړو.

سټولټنبرګ دا څرګندونې د هالنډ د لومړي وزیر له مرستیال او د بهرنیو چارو له وزیر ووپک هوکسټرا او د دفاع له وزیر کاجسا اولونګرین سره له کتنې وروسته خبري غونډه کې وکړې.

سټولټنبرګ وویل،  د روسیې لخوا له خرسون نه د خپلو ځواکونو ویستل او خپله دفاعي کرښه  د نیپرو سیند کیڼ اړخ په شا کول  د اوکراین لپاره یوه ډیره مهمه او ښه بریا ده. سربیره پر دې دا مسئله  له اوکراین سره د مرستو د دوام لپاره یې موجوده تګلاره لا پسې پیاوړې کوي.

سټولټنبرګ وویل: "ډیری جګړې د مذاکراتو د  میز په سر  پای ته رسیږي، مګر د مذاکراتو د میز پرمختګونه په بشپړه توګه د جګړې د ډګر د وضعیت پورې تړلي دي." هغه وویل لکه څنګه چې د اوکراین پوځ په جګړه کې بریالی کیږي، په خبرو اترو کې به یې لاسونه پیاوړي شي.

ستولتنبرګ د یو خبریال ددې پوښتنې په ځواب کې  چې اوکراین له روسیې سره د خبرو میز ته د کښېناستلو ښه فرصت درلود وویل"د اوکراین خلک د جګړې بیه او بدل پرې کوي. له همدې امله باید اوکراینیان پریکړه وکړي چې کله او په کومو شرایطو خبرې اترې پیل کړي."

ستولتنبرګ زیاته کړه "که چیرې شرایط د اوکراین لخوا ومنل شي، مونږ به یې ملاتړ وکړو. زموږ دنده دا ده چې د اوکراین عاید زیات کړو."

سټولټنبرګ له اوکراین سره د مرستو د دوام پر اړتیا هم ټینګار وکړ.