روسیې د "موجوده واقعیتونو سره سم" له اوکراین سره د خبرو اترو لپاره چمتووالی اعلان کړ.
د روسیې د بهرنیو چارو وزارت ویاندې د اوکراین سره د مذاکراتو په اړه ارزونې وکړې
روسیې د "موجوده واقعیتونو سره سم" له اوکراین سره د خبرو اترو لپاره چمتووالی اعلان کړ.
د روسیې د بهرنیو چارو د وزارت ویاندې، ماریا زخارووا، په پلازمینه مسکو کې په اونیزې خبري غونډه کې د مهمو مسئلو په اړه معلومات ورکړل.
ماریا زاخارووا د جرمني د هغو څرګندونو په ارزولو سره چې ویلي یې دي "روسیه له اوکراین سره خبرو اترو ته چمتو نه ده"، وویل چې د هغوې په دریځ کې کوم بدلون ندی راغلی .
زاخارووا ویلي چې دوی له اوکراین سره خبرو ته چمتو دي. هغې زیاته کړه ،
"موږ هېڅکله د خبرو اترو نه لاس ندی اخیستی. البته، موږ چمتو یو چې د هغو واقعیتونو په پام کې نیولو سره خبرې وکړو چې اوس راڅرګندېږي."
زاخارووا دې ته په اشارې سره چې آلمان اوکراین ته د وسلو استولو ته دوام ورکوي، وویل: «آلمان پر ځای ددې چې د کیف ادارې پر وړاندې د خپل نفوذ نه کار واخلي او خبرو ته يي وهڅوي کیف ته د وسلو د مختلفو سیسټمونو رسولو ته ادامه ورکوي، د جرمني اداره د خپل هیواد د قوانینو پر خلاف چې د کړکیچ او جګړو سیمو ته د وسلو استول منع کوي کیف ته وسلې ورکوي.
د روسیې ویاندې د امریکا هغه څرګندونو په ځواب کې چې ویلي دي "شمالي کوریا په اوکراین کې د کارولو لپاره روسیې ته وسلې استولې". وویل ،
"د دې ادعاوو لپاره روښانه دلیل نه دی وړاندې شوی او نه هم وړاندې کیدی شي. ځکه چې د امریکا د استازو څرګندونې په بشپړه توګه درواغ دي."
زخارووا زیاته کړه چې " امریکا په شمالي کوریا د بندیزونو لګولو لپاره بهانه جوړوي."
اړوند خبرونه
په ډنمارک کې د قانون هغه مسوده چې له مخې د قرانکریم سوځول او پرې برید کول منع شي تصویب شوه
په ډنمارک کې د قانون هغه مسوده چې د سپېڅلو کتابونو سوځول او پرې برید کول منع کوي تصویب شوه.
