د روسیې یوې سوخو ۳۴ ډوله جنګي الوتکې سقوط وکړ.

د روسیې یوې سوخو ۳۴ ډوله جنګي الوتکې سقوط وکړ.

د ترلاسه شوو معلوماتو له مخې  د روسیې  سوخو ۳۴ ډوله جنګي الوتکې  د روزنیزې الوتنې پر مهال سقوط کړی چې د  له امله ۱۳ تنو خپل ژوند له لاسه ورکړ او ۱۹ تنه نور ټپیان شوي دي.

د روسیې د روغتیا وزیر الیکسي کوزنیتسوف ویلي دي چې دا پیښه پرون دوشنبه د اکتوبر ۱۷ مه نیټه د ییسک په ښار کې لویدلې ده.

هغه ویلي دي چې دغه الوتکه پرون ماښام د الوتنې پر مهال په یوه انجن  کې د اور لګېدو له امله ولوېده. الوتکه  له یوې ودانۍ سره وجنګېده او د الوتکې د تېلو له امله اور ولګېد.

کوزنیتسوف وویل: «د بیړنیو حالاتو د وزارت په وینا، د د ژغورنې او پلټنې چارې بشپړې شوي دي، د پیښې په ځای کې جسدونه موندل شوي دي. په پیښه کې د ۳ تنو ماشومانو په ګډون ۱۳ تنو ژوند د لاسه ورکړی  او ۱۹ تنه ټپیان شوي دي. "

د روسیې د بیړنیو حالاتو وزارت ویلي چې له اورلګېدنې د سیمې نه  ۶۸ کسان ژغورل شوي او د لټون او ژغورنې د هڅو په لړ کې له سیمې د ایستل شویو کسانو شمېر ۳۶۰ تنو ته رسېدلی دی.

ویل کیږي د الوتکې پیلوټانو ځانونه په خوندي توګه له الوتکې ګوزار کړي دي.