امریکا او سویلي کوریا د شمالي کوریا په ځواب کې ۴ توغندي ختیځ سمندر پر لور وتوغول
د امریکا متحده ایالتونو او سویلي کوریا د شمالي کوریا د بالستیک توغندیو د ازمایلو په ځواب کې د ګډو تمریناتو په ترڅ کې ختیځ سمندر ته له ځمکې څخه ځمکې ته ویشتونکي څلور توغندي وتوغول.
د امریکا متحده ایالتونو او سویلي کوریا د شمالي کوریا د بالستیک توغندیو د ازمایلو په ځواب کې د ګډو تمریناتو په ترڅ کې ختیځ سمندر ته له ځمکې څخه ځمکې ته ویشتونکي څلور توغندي وتوغول.
د یونهاپ خبري اژانس د خبر له مخې، د جنوبي کوريا د لوی درستيز له خوا په يوه خپره شوې خبرپاڼه کې راغلي دي ،
"دواړو خواوو مصنوعي هدفونو د ویشتو او د متحدینو په توګه دښمن ته د سرو سترګو د ښودولو لپاره هر یو د اردو د تاکتیکي توغندیو سیسټم (ATACMS) دوه دوه توغندي وتوغول.
د جاپان د دفاع وزارت پرون خبر ورکړ چې د شمالي کوریا له خوا توغول شوی بالستیک توغندی د جاپان له شمال ختیځ څخه تېر شوی او په ارام سمندر کې لوېدلی دی.
د امريکا د دفاع وزارت وياند بريد جنرال پاتريک رايډر د شمالي کوريا له خوا د ليرې واټن ويشتونکي بالستيک توغندي ازموينه چې د جاپان له فضايي حريم څخه تیر شوي، وغندله او اعلان يې وکړ چې امريکا په ځواب کې له جاپان او جنوبي کوريا سره په سيمه کې جلا پوځي تمرينونه کوي.