په ټایلینډ کې په یو نایټ کلب کې اورلګیدنې له امله په لسګونو تنو ته مرګ ژوبله اوښتې

د تایلینډ په سویل ختیځ کې د  چونبوري سیمه کې د ماونټین بی نایټ کلب کې اور لګیدنې په لسګونو  تنو ته مرګ ژوبله اړولې ده .

1864128
په ټایلینډ کې په یو نایټ کلب کې اورلګیدنې له امله په لسګونو تنو ته مرګ ژوبله اوښتې

د تایلینډ په سویل ختیځ کې د  چونبوري سیمه کې د ماونټین بی نایټ کلب کې اور لګیدنې په لسګونو  تنو ته مرګ ژوبله اړولې ده .

د پيښې نه وروسته یو زیات شمیر  د لومړنیو مرستو ټیمونه او اور وژنې ډلې د پیښې ځای ته واستول شوې.

 د چارواکو د پیښې په اړه خبري رسنیو ته ویلي دي چې د لومړنیو معلوماتو له مخې  د ۴ تنو ژوند د لاسه ورکړی او لږ تر لږه ۴۰ تنه نور ټپیان شوي دي.

پولیسو ویلي دي چې  اورلګیدنه  د اور وژونکو لخوا د ۲ ساعته کار وروسته تر کنټرول لاندې راوستل شوه. پولیسو ویلي چې د نایټ کلب شاته دروازه تړل شوې وه او د عاجل وضعیت  دروازه هم  تړل شوې وه. پداسې حال کې چې چارواکو ویلي چې ټول قربانیان د تایلینډ اتباع دي، د تایلنډ لومړي وزیر پریوت چان اوچا ویلي چې د هغو کسانو کورنیو سره به مرسته وشي چې په نایټ کلب کې یې خپل ژوند له لاسه ورکړی.

په تایلنډ کې په ۲۰۰۹ کال کې د بنکاک په یوه نایټ کلب کې د اور لګېدنې له امله تر ۶۰ ډېر کسان ووژل شوي وو او د کلب مالک په ۲۰۱۱ کال کې مجرم وپېژندل شو او زنداني شو. په ۲۰۱۲ کال کې د فوکیت په یوه نایټ کلب کې د اور لګېدنې له امله ۴ تنه مړه او ګڼ شمیر نور ټپیان شوي وو.



اړوند خبرونه