د امریکا سمندري ځواکونو خپلې ټولې الوتنې ودرولې
د امریکا متحده ایالتونو سمندري ځواکونو پدې وروستیو کې د الوتکو د سقوط د پرله پسې پيښو نه وروسته د خپلو ټولو الوتنو د درولو نه خبر ورکړ.
د امریکا متحده ایالتونو سمندري ځواکونو پدې وروستیو کې د الوتکو د سقوط د پرله پسې پيښو نه وروسته د خپلو ټولو الوتنو د درولو نه خبر ورکړ.
د امریکا سمندري ځواکونو ویلي دي چې دا تصمیم يي د ټولو الوتکو په اړه د امنیتي پلټون د ترسره کولو په خاطر نیولی دی.
د یادولو وړ ده چې د الوتنو د درولو پریکړه د جون په میاشت کې د دریو پیښو وروسته وشوه، چې دوه یې وژونکې وې.
د متحده ایالتونو د سمندري ځواکونو یوې سوپر هارنیټ الوتکې د جون په ۳ د لاس انجلس سره نږدې د تعلیمي الوتنې پرمهال سقوط وکړ چې پدې پیښه کې د الوتکې پیلوټ ژوند د لاسه ورکړ. د جون په اتمه، پنځه سمندري سرتیري وروسته له هغه ووژل شول چې یو بل MV-22B اوسپری الوتکه د کالیفورنیا په ختیځ سان ډیاګو کې ولویده.
د جون په نهمه د امریکا د سمندري ځواکونو اړوند یوې چورلکې په کالیفورنیا کې د معمول تعلیمي الوتنې پر مهال سقوط وکړ.
سمندري ځواکونو راپور ورکړ چې پدې پیښه کې په چورلکې سپاره ټول څلور کسان ژوندي ژغورل شوي دي. د دريو پېښو په اړه څېړنې دوام لري.
اړوند خبرونه
د مالیزیا سمندري ځواکونو اړوند د دوو چورلکو د جنیګدو له امله لږ تر لږه لس تنو ژوند د لاسه ورکړ.
په مالیزیا کې د رسم ګذشت پریډ لپاره د تمرین پر مهال دوه چورلکو په هوا کې سره ټکر کړی دی
