په کاناډا کې د کاتولیک کلیسا ۸۷ تنه پرسونل په جنسي ځوړونو په رسمي توګه تورن شول

د کاناډا په کبک ایالت کې د کاتولیک کلیسا د ۸۰  کلن تاریخ  پلټونکو خپلواکه مفتیشینو ، د کلیسا د کارمندانو په منځ کې ۸۷ تنه چې په جنسي تیریو په پیښو کې دخیل ول په ګوته کړل.

په کبک ایالت کې د کلیسا اړوند په ۹ جلا جلا سیمو کې د جنسي تیریو د ادعاګانو د څیړولو په خاطر تحقیقات پیل شول.

د سترې محکمې متقاعد قاضي اندرې ډینس ، چې  د ۲۰۲۰ کال د دسمبر په میاشت کې دا پلټنې پیل کړې وې  د پلټنو راپور خپور کړ.

ډینس د کاناډا رسمي خبري اژانس کاناډا پریس سره په خبرو کې  وویل چې په خپله څیړنه کې چې په کبک ایالت  کې  په ۹ سیمو کې چې د کلیسا د اسقف اعظم تر پوښښ لاندې دي د ۱۹۴۰ او ۲۰۲۱ کلونو ترمنځه د کلیسا د کارکوونکو چې په منځ کې اسقف اعظمان ، راهبان او د کلیسا کارکوونکي شتون لري د ۶۸۰۹ دوسیې څیړلي دي.

ډینس وویل چې په پلټنو کې وموندله چې  د ۸۷ تنو  کارمندانو د جنسي ځورونې په پیښو کې ښکیل وو چې په کوچنيانو  او بې دفاع  لویان يي د جنسي پلوه ځورولي دي.

هغه زیاته کړه د هغه ۸۷ تنو د جمع نه چې د جنسي  ځورونکو په توګه پیژندل  شوي دي ۵ تنه لاهم د کلیسا لپاره کار کوي، ډینس یادونه وکړه چې د جنسي ځورونکو  اصلي شمیر ددینه ډیر زیات لوړ دی خو دا چې قربانیان د شکایتونو نه ډډه کوي نشي کولې چې اصلي شمیره معلومه کړي.

د مونټریال د سیمې اسقف اعظم  کریسټین لیپین وویل  چې د جنسي تیري د ټولو قضیو راپور ورکول ممکن نه دي، د جنسي ځورونې  ځینې قضیې هیڅ ثبت شوي ندي.

د کاتولیکانو روحاني مشر او د واتیکان ولسمشر پاپ فرانسیس د کاتولیکې کلیسا د غړو له خوا ترسره شوي ناوړه چلندونه ومنل او اعلان یې وکړ چې دوی د قربانیانو لپاره د عدالت پلي کولو ژمنې تعقیبوي.