اوکراین لوی څارنوالۍ د روسیې په بریدونو کې د وژل شوو اوکرایني ماشومانو شمیره اعلان کړه

په اوکراین د روسیې د روان یرغل او  بریدونه د پيل راهیسې  ۲۳۱ ماشومانو خپل ژوند له لاسه ورکړی او ۴۲۷ ماشومان ټپیان شوي دي.

1829629
اوکراین لوی څارنوالۍ د روسیې په بریدونو کې د وژل شوو اوکرایني ماشومانو شمیره اعلان کړه

په اوکراین د روسیې د روان یرغل او  بریدونه د پيل راهیسې  ۲۳۱ ماشومانو خپل ژوند له لاسه ورکړی او ۴۲۷ ماشومان ټپیان شوي دي.

د اوکراین د لوی څارنوالۍ له خوا په خپره شوې خبرپاڼه کې ویل شوي، چې تر ټولو زیات ماشومان د دونیتسک، کیف او خارکیف په سیمو کې د بریدونو په پایله کې وژل شوي دي.

په اعلامیه کې ویل شوي چې د روسیې د پوځ د بمباریو په پایله کې په ټول هېواد کې ۱۸۳۷ ښوونیز مرکزونه زیانمن شوي او ۱۷۲ یې په بشپړه توګه له منځه تللي دي.

د اوکراین لوی درستیز دفتر  هم د فبرورۍ له ۲۴مې او د مې د ۲۰مې نیټو ترمنځ د روسیې د تلفاتو په اړه په یوه بیان کې اعلان وکړ چې د روسیې پوځ په تېرو ۲۴ ساعتونو کې تر ۲۰۰ ډېر سرتېري له لاسه ورکړي دي.

په خبرپاڼه کې ویل شوي، چې د روسیې پوځ تر دې دمه ۲۸۷۰۰ سرتېري له لاسه ورکړي او  ۲۰۴ الوتکې، ۱۶۸ چورلکې، ۱۲۶۳ ټانکونه، ۳۹۰ زغره والې موټړې، ۵۹۶ توپونه، ۲۰۰ راکټ لانچرونه او د روسیې ۹۳ هوايي دفاعي سیستمونه له منځه تللي دي.

په خبرپاڼه کې ویل شوي، چې د روسیې ځواکونو ۲۱۶۲ موټرې، ۱۳ جنګي او  سپکې سرعت بېړۍ او ۴۶۰ بې پیلوټه الوتکې له لاسه ورکړي او دغه راز د روسیې له خوا توغول شوي ۱۰۳ کروز توغندي هم د اوکراین د هوايي دفاعي ځواکونو له خوا په نښه او له منځه وړل شوي دي.



اړوند خبرونه