د امریکا د ولسمشر جوبایډن د اوکراین نه  د ملاتړ په برخه کې یو مهم ګام اوچت کړ.

د امریکا د ولسمشر جوبایډن د اوکراین نه  د ملاتړ په برخه کې یو مهم ګام اوچت کړ.

بایډن په سپینه ماڼۍ کې په ځانګړي  دفتر کې  د یو نوی قانون لاسلیکولو سره  اوکراین ته د نظامي تجهیزاتو رسولو اسانولو په برخه کې مهم ګام اوچت کړ. امریکا د وروستي ځل لپاره د  نوموړي  قانون نه په ۱۹۴۱ کې د دویمې نړیوالې جګړې دمخه کارولی وو.

امریکا متحده ایالتونه  د روسیې پر ضد د اوکراین ملاتړ ته دوام ورکوي. اوکراین ته د پوځي تجهیزاتو رسولو اسانتیا لپاره، د متحده ایالتونو ولسمشر جو بایډن هغه قانون لاسلیک کړ چې د تجهیزاتو پور یا په اجاره ورکولو اجازه ورکوي. بایډن ځانګړي دفتر کې هغه قانون چې کانګرس تصویب کړی وو لاسلیک کړ.

بایډن د اوکراین نه د ملاتړ پیغام په ورکولو سره وویل، "د تیري په وړاندې تسلیمیدل ډیر ګران دي." که څه هم امریکا په ۱۹۴۱ کال کې دویمې نړیوالې جګړې ته له ننوتلو مخکې په جګړه کې فعاله ونډه نه وه اخیستې، خو دغه قانون یې د بریتانیا او د هغه نورو متحدینو ته د تجهیزاتو د برابرولو لپاره کارولی و.