امریکا پر حوثي یاغیانو د یمن په پلازمینه صنعا کې هر څه ژر ددوې د سفارت د تخلیه کولو غږ وکړ

حوثي یاغیانو د یمن په بلازمینه صنعا کې د امریکا متحده ایالتونو د سفارت ودانۍ اشغال کړه او د سفارت پر موټرو يي قبضه ولګوله. همداشان د سفارت کوونکي  برمته کړي دي.

د امریکا  حکومت پر حوثي یاغیانو هر څه ژر د سفارت د وانۍ د تخلیه کولو او د برمته کړو کارکوونکو د خوشې کولو غږ وکړ.

د فرانس پرس خبري اژانس د خبر له مخې د امریکا متحده ایالتونو د بهرنیو چارو وزارت ویاند نیډ پاریس بیا ویلي دي چې د یمن په پلازمینه صنعا کې د حوثي یاغیانو لخوا د امریکا د سفارت د اشغالولو او کارکوونکو د برمته نیولو نه وروسته د ځايي کارکوونکی ډیری بیرته خوشې شوي دي خو ځیني اوس هم د برمته دي .

پاریس یو ځل بیا پر حوثي یاغیانو د امریکا  د سفارت د ټولو کارکوونکو د هر څه ژر خوشې کولو غوښتنه وکړه.

هغه وویل چې مونږ پر حوثيانو هر څه ژر د امریکا د سفارت د تخلیه کولو او د امریکا د سفارت اړوند د قبضه کړو ټولو مالونو د راستنولو غږ کوو. هغه وویل چې امریکا به د خپل سفارت د کارکوونکو د هر څه ژر خوشې کولو او د سفارت تخلیې په خاطر ډیپلوماتیکو هلو ځلو ته دوام ورکوي.

د ویلو ده چې امریکا په ۲۰۱۵ کال کې  د حوثي یاغیانو لخوا د پلازمینې صنعا د نیولو نه وروسته خپل سفارت وتړه. همداشان د سفارت یو زیات شمیر یمني کارکوونکي د حوثي یاغیانو لخوا د نه نیول کیدو په خاطر ټول د سفارت د ساتوونکو په توګه استخدام شول.