د سویلي افریقا پخوانی ولسمشر چې په ۱۵ میاشتو بند محکوم شوی وو ونیول شو
د وسویلي افریقا پخوانی ولسمشر یکوب زوما ونیول شو
د سویلي افریقا پخوانی ولسمشر یکوب زوما چې محکمې د سپکاوي په تور په ۱۵ میاشتې بند محکوم شوی وو ونیول شو.
د زوما خیریه ټولنې د بیان په خپرولو سره ویلي دي چې پخواني ولسمشر زوما زندان ته د تلو په خاطر ځان امنیتي ځواکونو ته تسلیم کړی دی.
د سویلي افریقا د اساسي قانون محکمې د پریکړې له مخې پخوانی ولسمشر یکوب زوما باید د جولای په ۷ مه نيټه د شپې د ۱۲ بجو پورې امنیتي ځواکونو ته تسلیم شوی وای چې ځان يي تسلیم کړ.
د سویلي افریقا پخواني ولسمشر یکوب زوما پر خلاف په محکمه کې د اداري فساد، بډو، فریب کارۍ، د مالیې نه تیښته او تورو پیسو د سپینولو په ګډون ۱۶ جلا جلا تورنه لګول شوي او اقامه د دعوا شوې ده .
هغه د محکمې لخوا څو ځله د جلبولو سره سره محکمې ته د تګ نه ډډه کوله .
د زوما لخوا د محکمې د جلب د ردیدو نه وروسته د ایالت د محکمې څیړنیز کمیسیون اساسي قانون محکمې ته مراجعه وکړه او د زما پر خلاف يي شکایت وکړ.
د اساسي قانون محکمې بیا د جون په ۲۹ مه نيټه زوما د محکمې پریکړو ته د سپکاوي په تور په ۱۵ میاشتو بند محکوم کړ.
زوما د جولای په ۴ مه نيټه د هغه د کور ترڅیرمه راټولو شوو خپلو پیلویانو ته په وینا کې ویلي وو چې زندان ته د تګ نه ویره نلري خو پدې عمر کې زندان ته تګ هغه ته د مرګ په معنا دی.
اړوند خبرونه
د روسیې د دفاع وزارت مرستیال تیمور ایوانوف د رشوت اخیستو په شک ونیول شو.
د روسیې د تحقیقاتو کمیټې د دفاع د مرستیال وزیر تیمور ایوانوف د توقیف په اړه څرګندونې وکړې.