جینیوا ښار ۳۶ کاله وروسته د امریکا او روسیې د ولسمشرانو کوربه توب وکوي
د سوئیس د جینیوا ښار د ۳۶ کلونو وروسته یو ځل بیا د امریکا او روسیې د مشرانو د غونډې کوربه توب کوي.
د امریکا ولسمشر جو بایدن نن د سوئیس د جینیوا په ښار کې د روسیې د ولسمشر ولادیمیر پوتین سره لیدنه کوي.
د ویلو ده چې په وروستي ځل په ۱۹۸۵ کال کې په جینیوا ښار کې د امریکا او روسیې د ولسمشرانو غونډه جوړه شوې وه.
د ۱۹۸۵ میلادي کال د نوامبر په میاشت کې د امریکا د وخت ولسمشر رونالډ ریګن د پخواني شوروي اتحاد د ولسمشر میخایل ګورباچوف سره په جینیوا کې غونډه کړې وه.
۳۶ کاله وروسته دا ځل جو بایدن او ولادیمیر پوتین پدې ښآر کې غونډه کوي.
د ویلو ده چې په جینیوا کې د روسیې او امریکا د مشرانو د غونډې له امله په ټول ښار کې ډیر کلک امنیتي تدابیر نیول شوي دي. د چا خبره په ښآر کې د ژوند ورځنۍ چارې په ټپه درول شوي دي.
د امریکايي او روسیي هیتانو د اقامتګاه هوټلونو ته غځیدلي ټولې لارې د ټرافیک پر مخ تړل شوي دي.
پداسې حال کې چې تر اوسه پورې د بایدن او پوتین د غونډې دقیق ساعت او پروګرام اعلان شوی ندی خو ویل کیږي چې غونډه به د ترکیې په ځايي وخت د ماسپخین په دوه بجې پيل او ۴ ساعته به دوام وکړي.
د غونډې نه وروسته به پوتین په ۶بجو او ۳۰ دقیقو او بایدن په ۸ بجو جلا جلا خبري غونډې جوړې کړی او د خبریالانو پوښتنې به ځواب کړي.
اړوند خبرونه
د مالیزیا سمندري ځواکونو اړوند د دوو چورلکو د جنیګدو له امله لږ تر لږه لس تنو ژوند د لاسه ورکړ.
په مالیزیا کې د رسم ګذشت پریډ لپاره د تمرین پر مهال دوه چورلکو په هوا کې سره ټکر کړی دی