په میانمار کې د پوځي کوتاه نه وروسته د سیاستوالو د نیولو لړۍ دوام لري.

د میانمار پوځي د بهرنیو چارو پخوانی وزیر او هیواد کې د پرزول شوي حکومت د مشرۍ سو چي یو تن مهم  پلوي او د دیموکراسۍ د یووالي ګوند جګپوړی چارواکی وین هتین هم ونیولو.

د ملي ډیموکراسۍ د یووالي ګوند ویاند کي ټوي ویلي دي چې د سو چي  نږدې پلوي چې حتا د هغې د ښي لاس په توګه مشهور وو نن د پوځي حکومت لخوا ونیول شو. هغه ددینه وړاندې هم د اوږدو کلونو لپاره سیاسي بند تیر کړی دی.

وین هټین د کودتا نه وروسته  په نوموړي هیواد کې په انګلیسي ژبه چاپیدونکي د فرونټیر میانمار ورځپاڼې سره په مرکه کې ویلي وو چې پوځ د کودتا په کولو سره ډیره ستره خطا کړې او هیواد يي د ناڅرګندۍ پر لورې روان کړی دی. هغه پر پوځ سختې نیوکې کړې وې.

همداشان هغه د میانمار خلکو ته ددې غیرې مشروع کودتاچي نظام پر خلاف مظاهرو او غبرګون ښودولو ته بلنه ورکړې وه.

د ویلو ده چې په میانمار کې پوځ د فبروري په لومړۍ نیټه د منتخب حکومت پر خلاف کودتا وکړه او د حکومت ډیری چارواکي يي او سیاستوال يي ونیول.

پوځ د ۲۰۲۰ کال د نوامبر په ۸ مه نیټه په ترسره شوو ټولټاکنو کې د واکمن ګوند لخوا د درغلیو د ترسره کیدو ادعاء کوله .

همداشان د ټاکنو نه وروسته د پوځ او مخالف ګوند پلویانو لاس په مظاهرو پورې کړ. د میانمار لوی درستیز د جنوري په ۲۸ مه نیټه حکومت ته په ټاکنو کې د ترسره شوو درغلیو د سپیناوي او اعتراف غږ کړی وو.

د میانمار پوځ د کودتا نه وروسته د یو کال لپاره بیړنی حالت اعلان کړ او خلکو سره يي د بیړني حالت د ختمیدو پورې ټولټاکنو ترسره کوو ته د زمینې برابرولو ژمنه وکړه.