د لسګونو تنو بې ګناه افغانانو په وژنه تورنو استرالیايي سرتیرو نه ۹ تنو يي ځان وژنه کړې
په افغانستان کې پر جنګي جرایمو تورن شوو ۹ تنو استرالیايي سرتیرو ځان وژنه کړې ده . دا خبره د ډیلي میل بریتانیايي ورځپاڼې کړې ده .
د استرالیا دفاع وزارت تیره اونۍ ددې هیواد د سرتیرو لخوا په افغانستان کې د ترسره شوو جنګي جنایتونو په اړه راپور خپور کړ.
پدې راپور کې ویل شوو چې استرالیايي سرتیرو په افغانستان کې د ۲۰۰۵ او ۲۰۱۶ کلونو ترمنځه د خپل ماموریت پر مهال ۳۹ تنه بې ګناه انسانان د نیولو نه وروسته وژلي دي.
پدې راپور کې نږدې ۲۵ تنه سرتیري د بې ګناه افغانانو په وژلو تورن وبلل شول.
د استرالیا د دفاع وزارت په افغانستان کې ددې هیواد د سرتیرو لخوا د ترسره شوو جنګي جنایتونو په اړه د تحقیقاتو په ترڅ کې د نږدې زرو تنو سره مخامخ لیدنې کړي او دې کسانو ټولو ددې جنایتونو په اړه شاهدي کړې ده .
د استرالیايي سرتیرو لخوا د بې ګناه افغانانو د وژنې د په ډاګه کیدو نه وروسته ترکیې هم سخت غبرګون وښود.
د ترکیې د ولسمشر ویاند ابراهیم قالن د بې ګناه افغانانو د وژنې نه د مدرن بربریت په توګه یادونه وکړه.
د بله پلوه ډیلي میل بریتانیايي ورځپاڼې بیا ویلي دي چې په افغانستان کې د ملکي وګړو په وژنو تورن د استرالیايي سرتیرو نه ۹ تنو يي ځان وژنه کړې ده . ورځپاڼې ویلي دي چې دې سرتیرو د تیرو ۳ اونیو په دننه کې ځان وژنه کړې ده .
