ټرمپ : د شمالي کوریا د ولسمشر نه به هر څه ژر خبر ترلاسه کړو
د امریکا ولسمشر ډونلد ټرمپ د شمالي کوریا د ولسمشر کیم جونګ اون د روغتیايي وضعیت په اړه د خبریالانو پوښتنې ځواب کړې.
هغه وویل چې د کیم جونګ اون د روغتیايي وضعیت په اړه په هر څه ډیر ښه پوهیږي خو نه غواړي چې اوس يي د ټولو سره شریک کړي.
ټرمپ په سپینه ماڼۍ کې په خبري غونډه کې د شمالي کوریا د ولسمشر کیم جونګ اون روغتیايي وضعیت د خرابوالي په اړه د موجودو ادعاګانو په اړه وویل چې پدې مسئله کې په هر څه ډیر ښه پوهیږي خو نه غواړي چې اوس يي شریک کړي. هغه وویل ددې د کیم لپاره د ښه صحت غوښتنه کوي.
کیم د تیرې خالي په ورځ کومه وینا ونکړه، داسې ښکاري چې هغه دا کار ونشو کړای. ټرمپ وویل چې په ډیر نږدې راتلوونکي کې به د کیم نه خبر ترلاسه کړو.
هغه وویل چې د کیم سره ډیرې ښې او نږدې اړیکي لري. ټرمپ ادعا وکړه که چیرې د امریکا ولسمشر په توګه ټاکل شوی نوې اوس به امریکا د شمالي کوریا سره په جګړه کې ښکیل وی.
د یادولو وړ ده چې د شمالي کوریا ولسمشر کیم جونګ اون د تیرو دوو اونیو راهیسې کمرو پر مخ نه راښکاره کیږي.
د هغه په اړه بیلا بیلې ادعاګانې شتون لري. په ځینو ادعاګانو کې ویل شوي دي چې روغتیايي وضعیت يي ډیر خراب دی او حتا د مرګ ادعا يي هم شوې ده.
خو د سویلي کوریا د ولسمشر سلاکار تیره ورځ وویل چې هغه ژوندی او روغ رمټ دی.
اړوند خبرونه
چین په بیجینګ کې د المان سفیر بهرنیو چارو وزارت ته احضار کړ
چین په بیجینګ کې د جرمني سفیر پاتریشیا فلور د بهرنیو چارو وزارت ته احضار کړ.
