ټرمپ : غواړم د افغانستان نه خپل سرتیري هیواد ته راستانه کړم

د امریکا ولسمشر ټرمپ  تیره شپه  ولس او کانګرس ته په خطاب خپله کلنۍ وینا کې  وویل چې غواړي په افغانستان کې روانه  دا اوږده  جګړه  ختمه کړي. هغه وویل چې 

"  مونږ  کار کوو  چې  افغانستان کې  د امریکا  روانه اوږده  جګړه ختمه کړو او خپل  سرتیري هیواد ته راستانه کړو. "

ټرمپ وویل چې  نور په افغانستان کې د سلګونو او زرګونو تنو  وژنه لیدلی نشي ځکه چې  ډیری  دا کسان  بې ګناه دي.

هغه وویل چې دا زمونږ دنده نده چې د قانون پلي کوونکي په توګه نورو هیوادونو ته خدمت وکړو.

د امریکا ولسمشر ټرمپ  د طالبانو سره  د سولې مذاکراتو نه  د خپل حکومت د سترې لاسته راوړنې په توګه یادونه وکړه او وویل چې  طالبانو سره د سولې مذاکراتو ژمن  دی.