ګاردین ورځپاڼې د داعش نوي مشر نوم افشا کړ
د انګلستان د ګاردین ورځپاڼې د داعش ترهګرې ډلې د نوي مشر نوم افشا کړ. ګاردین ورځپاڼې د دوو جلا جلا استخباراتي سرچینو له قوله په خپور کړي خبر کې ویلي دي چې د داعش ترهګرې ډلې نوی مشر عبدالرحمان السلبي دی.
ګاردین ویلي دي چې د داعش نوی مشر د عراق د تلعفر ښار اوسیدونکی دی.
د ویلو ده چې د ۲۰۱۹ میلادي کال د اکتوبر په میاشت کې د امریکا متحده ایالتونو لخوا د داعش ترهګرې ډلې مشر ابوبکر البغدادي په ځانګړو عملیاتو کې د وژلو نه وروسته داعش لنډه موده وروسته خپل نوی مشر اعلان کړ.
داعش ترهګرې ډلې ته نږدې سرچینو وویل چې ابو ابراهیم القریشي د داعش د نوي مشر په توګه ټاکل شوی دی خو ګاردین بیا ویلي دي چې د داعش د ډلې د نوي مشر اصلي نوم ابو ابراهیم القریشي ندی او داعش د خپل نوي مشر هویت پټ ساتلی دی.
داعش ترهګره ډله د ابراهیم القریشي د نوم نه یواځې په جګړه کې کار اخلي.
ګاردین د انګلستان د استخباراتو له قوله لیکلي دي چې د داعش نوی مشر السلبي د یادې شوې ډلې د بڼسټګرو نه دی. هغه په عراق او سوریه کې د یزیدیانو پر خلاف د ترسره شوو عام وژنو او ظلمونو مسئول وو او د نړۍ په کچه د داعش ترهګرې ډلې عملیات دده لخوا سوق او اداره کیږي.
انګلستان استخباراتو ویلي دي چې السلبي په ۲۰۰۴ کال کې په عراق کې د امریکايي ځواکونو لخوا د نیول کیدو نه وروسته د بوقه کمپ کې زنداني وو چې هلته د البغدادي سره يي معرفت پیدا کړی وو.
ویل کیږي نوموړی د عراق د موصل پوهنتون د شریعاتو او حقوقو په برخه کې لوړې زده کړې کړي دي او د اسلامي علومو په اړه د کافي معلوماتو له امله په ډیرۍ چټکۍ سره رشت وکړ.