په روسیه کې په یو کور کې د اورلګیدنې په نتیجه کې فاجعه رامنځته شوه

د روسیې  د تومن  په سیمه کې په یو کور کې  اورلګیدنې په نتیجه کې ستره  فاجعه رامنځته شوه.

د روسیې د تاس خبري اژانس د بیړنیو حالاتو او ناورین د وزارت د معلوماتو له مخې  لیکلی دي  چې  د تومن  په سیمه کې  د پریچولمومسکي په کلي کې  د ځنګل د کارګرانو  د اوسیدو په کور کې  د نامعلوم لامل له امله  اورلګیدنه رامنځته شوې ده .

ویل کیږي اورلګیدنه  د شپې په نیمايي برخه کې رامنځته شوې ده.

په پیښه کې  ۱۱ تنو ژوند  د لاسه ورکړی دی چې د اوزبیکستان وګړي هم  پکې شتون لري.

پولیسو ویلي دي چې  د پيښې لامل  تر اوسه پورې معلوم ندی  خو په اړه يي تحقیقات پیل شوي دي.