په بورکینافاسو کې د یو معدن د کارکوونکو د موټرو په کتار خونړی برید وشو

د بورکینافاسو  په ختیځ کې  د معدن د یو شرکت  د موټرو په کتار  خونړی  برید شوی  چې په نتیجه کې  ۳۷ تنه ملکي  وګړي او عسکر  وژل شوي دي.

په بورکینافاسو کې د یو معدن د کارکوونکو د موټرو په کتار خونړی برید وشو

 

د بورکینافاسو د رسمي خبري اژانس د خبر له مخې  د هیواد په ختیځ کې  د سروزور د معدن  د کاناډايي  شرکت  د کارګرانو  د موټرو پر کتار  خونړی  برید وشو.

لومړی  د کارګرانو  د موټرو د کتار په لومړي موټر بمي چاودنه وشوه او وروسته  برید کوونکو په نورو  موټرو  ډزې  پیل کړې.

پدې برید کې ۳۷ تنو ملکي وګړو او عسکرو ژوند د لاسه ورکړی  او لږ تر لږه  ۲۰ تنه نور ټپیان شوي دي.

د ټپیانو نه هم  د بعضو روغتیايي حالت  د انديښنې وړ دی چې  د  لا ښې تداوۍ په موخه  د پلازمینې  روغتونونو ته  استول شوي دي.

ویل کیږي  پدې پیښه کې بعضې کسان  لا درکه شوي دي.

د نوموړي  هیواد مقاماتو ویلي دي چې  امنیتي ځواکونه  د برید سیمې ته  رسیدلي دي او د برید کوونکو او لا درکه شوو کسانو په اړه يي د پلټنې عملیات پیل کړي دي.

د بورکینافاسو  چارواکیو ددې برید نه  د وحشي او باربار  برید په توګه یادونه  کړې او دا برید يي په کلکو ټکو غندلی دی.

د ویلو ده چې په بورکینا فاسو کې  په تیرو ۴ کلونو کې  په دیته ورته  ترهګریزو بریدونو کې  څه باندې  ۶۰۰ تنو ژوند  د لاسه ورکړی دی.

په نوموړي هیواد کې  د امنیتي ستونزو  د ترهګریزو بریدونو له امله د هیواد په شمالي  ، ساحلي سیمو او لویدیځو برخو کې  د ۲۰۱۹ کال د جنوري د لومړۍ نیټه نه راپدیخوا بیړنۍ حالت اعلان شوی وو. دا بیړنی حالت  په ۷ سیمو کې اوس هم  دوام لري.



اړوند خبرونه