پيسکوف : د البغدادي د وژل کیدو اړوند رسمي تصدیق شوی سند په لاس کې نلرو
روسیې د البغدادي د وژل کیدو په اړه شک ښودلی دی
د روسیې د ولسمشرۍ ماڼۍ ویاند دیمیتري پیسکوف وویل چې د سوریې په شمال کې د ادلب په ښار کې د داعش ترهګرې ډلې د مشر ابوبکر البغدادي وژل کیدو د تصدیق اړوند په لاس کې رسمي کوم سند نلرو.
پیسکوف په پلازمینه مسکو کې خبري غونډې ته په سوریه کې د امریکايي ځواکونو لخوا د داعش ترهګرې ډلې د مشر البغدادي د وژل کیدو د مسئلې په اړه ارزونې وکړې.
هغه ددې پوښتنې په ځواب کې چې ایا روسیې په سوریه کې د البغدادي د وژل کیدو د تصدیق اړوند کوم سند ترلاسه کړی دی او که نه؟ داسې وویل، تر اوسه پورې پدې اړه هیڅډول سند په لاس کې نلرو او د امریکا لخوا هم ندی رالیږل شوی.
د ویلو ده چې د امریکا متحده ایالتونو ولسمشر ډونلډ ټرمپ د تیرې یکشنبې پر ورځ د داعش ترهګرې ډلې د بڼسټګر او مشر د وژنې په اړه رسمي څرګندونې وکړې.
هغه وویل چې البغدادي د امریکايي ځواکونو د ځانګړو عملیاتو په پایله کې ووژل شو.
هغه زیاته کړه چې البغدادي د یو تونل له لارې د تیښتې هڅه وکړه چې د امریکايي ځواکونو لخوا تعقیب شو. هغه وروسته د ځان پورې تړلي چاویدونکي توکي وچول او ځان يي وواژه. ویل کیږي پدې چاودنه کې د هغه سره د هغه درې بچي هم وژل شوي.
اړوند خبرونه
د مالیزیا سمندري ځواکونو اړوند د دوو چورلکو د جنیګدو له امله لږ تر لږه لس تنو ژوند د لاسه ورکړ.
په مالیزیا کې د رسم ګذشت پریډ لپاره د تمرین پر مهال دوه چورلکو په هوا کې سره ټکر کړی دی
