د سعودي عربستان د پاچا لور په فرانسه کې په لسو میاشتو بند محکومه شوه

شهزادګۍ  حصه بن سلمان  د فرانسي په پلازمینه پاریس کې  په خپل کور په ساتوونکي  د یو تن کارګر  د وهلو ډبولو او په مرګ د کارګر د ګواښولو په تور تورنه دهږ

د فرانسې د لي فیګارو ورځپاڼې د خبر له مخې د پاریس د جزا محکمې  شهزادګۍ حصه  د یو کارګر پر وړاندې د زور زیاتي نه د کاراخیستو او د هغه د وهلو ډبلو  په تور تورنه کړې ده .

د پاریس د جزا محکمې  د سعودي عربستان شهزادګۍ  په خپل کور کې په ساتونکي  د یو تن کارګر  د وهلو ډبولو  په تور په لسو میاشتو تعلیقي بند  او لس زره ایرو نقدي  جزا  محکومه کړه.

همداشان محکمې  د شهزادګۍ  حصه ساتونکی چې کارګر يي  وهلی وو  په ۸ میاشتو تعلیقي بند  او ۵ زره ایرو  نقدي جزا محکوم کړی دی.

د شهزادګۍ حصه  د مدافع وکیل ویلي دي چې  د محکمې پدې پریکړه اعتراض وکړي.

د ویلو ده چې  په ۲۰۱۶ کال کې  د سعودي عربستان شهزادګۍ حصه بن سلمان  په پاریس کې  د کور د تشناب د اوبو وتلو د نلونو د بندیدو نه وروسته  د نلونو د خلاصولو په خاطر یو نلدوان  راغوښتی وو.

نلدوان  د ټیلیفون سره  د تشناب د عسکونو د اخیستو پر مهال  د شهزاګۍ لخوا نیول شوی وو. د شهزادګۍ  ساتونکي د نلدوان لاسونه  تړلي وو او هغه يي ښه وهلی او ډبلولی وو. شهزادګۍ  حتا  نلدوان  په مرګ ګواښلی وو.

د شهزادګۍ  د محکمې په جلسه کې ګډون نه وو کړی. شهزادګۍ پرې لګیدلي تورونه ټول رد کړي دي.

نلدوان کارګر  پولیسو ته ویلي دي چې  شهزادګۍ  حصه  د پيښې پر مهال  په کور کې وه. هغې  ساتوونکي ته وویل چې دا سپی باید ووژل شي، ځکه چې  د ژوندي پاتې کیدو لایق  ندی.