د اذربایجان  یوې  جنګي الوتکې سقوط وکړ.

د اذربایجان  د دفاع وزارت ویلي دي چې ددوې  یوې جنګي الوتکې  تیره شپه په ځايي وخت د شپې په لسو بجو  د رادار سره  اړیکه پرې شوه.

د اذربایجان  د دفاع وزارت لخوا په خپور شوي بیان کې ویل شوي دي چې  یادې شوې  میګ ۲۹ ډوله  جنګي الوتکې  د تعلیمي  الوتنو په موخه  الوتنه کړې وه چې  د شپې لس بجې  د رادار سره  اړیکه پرې شوه.

په بیان کې راغلي دي ګمان کیږي چې الوتکه  د کاسپین په سمندر کې  غورځیدلي وي.

د الوتکې د پیلوټ د موندولو په خاطر  د پلټنې چارې پیل شوي دي.

د الوتکې د غورځیدو لامل  تر اوسه پورې ناڅرګند  دی.