امریکا : د عمان په خلیج کې زمونږ ډرون الوتکه ویشتل شوي ده
امریکا ویلي د جون په ۶ او ۱۳ مو نيټو د عمان په خلیج کې ددوې پر ډرون الوتکو د توغندویو بریدونه شوي
د امریکا متحده ایالتونو مرکزي ځواکونو قومندانۍ ویلي دي چې د روان کال د جون په ۶مه نيټه ددوې یوه ډرون الوتکه د یمن د خاورې نه د حوثي یاغیانو لخوا ویشتل شوې وه چې د جون په ۱۳ مه نيټه يي په بلې الوتکې هم ډزې کړي دي.
دا څرګندونې د امریکا د مرکزي قوتونو د قومندانۍ ویاند ډګروال ایرل برون وکړې.
هغه وویل چې ددوې اړوند یوه ام کیو ۹ ډوله بې پیلوټه الوتکه د جون په ۶ مه نيټه د حوثي یاغیانو لخوا د اس ای ۶ ډوله توغندي سره ویشتل شوې ده.
برون ویلي دي چې دا برید د هغه برخو لخوا شوی دی چې ایران يي ملاتړ کوي.
هغه وویل چې حوثي یاغیانو د جون په ۱۳ مه نيټه هم د عمان په خلیج کې ددوې په یوې ډرون الوتکې د تیلو په لیږوونکو لویو کښتیو د برید نه سمدلاسه وروسته برید شوی دی.
د ګروال برون په وینا ګمان کیږي چې د ایران انقلاب ساتوونکو ځواکونو د عمان په خلیج کې د تیلو د لیږدوونکو کښتیو د نظارت او څار د فعالیتونو د مخنیوي په خاطر د ډوې پر ډرون الوتکې برید کړی وی. هغه ویلي دي چې برید د سا ۷ ډوله توغندي سره شوی وو.
هغه ویلي دي په هغه ډرون الوتکې د برید هـڅه شوې ده چې په سیمه کې د تیلو د لیږدوونکو ستر کښتیو نظارت کولو. توغندی د الوتکې پورې ندی رسیدلی خو یو کیلومترۍ ته نږدې شوی وو.
اړوند خبرونه
د مالیزیا سمندري ځواکونو اړوند د دوو چورلکو د جنیګدو له امله لږ تر لږه لس تنو ژوند د لاسه ورکړ.
په مالیزیا کې د رسم ګذشت پریډ لپاره د تمرین پر مهال دوه چورلکو په هوا کې سره ټکر کړی دی