د امریکا متحده ایالتونو په پوځ کې  د جنسي پلوه د ځورونې  د واقعو  کچه  د پام وړ لوړه شوې ده .

د امریکا متحده ایالتونه  په پوځ کې د جنسي ځورونو  په اړه په هرو دوو کلونو کې  یو ځل راپور خپروي.

د امریکا د دفاع وزارت پنټاګن  د ۲۰۱۷ او ۲۰۱۸ کلونو اړوند  راپور خپور کړ.

پدې راپور کې  د تیر راپور په اړه په پوځ کې  د جنسي ځورونو کچه  د پام وړ لوړه شوې ده .

د امریکا په پوځ کې د یوې خپلواکۍ  سرچینې لخوا  په ترسره شوي  نظرسنجۍ  کې  معلومه شوې ده چې  یواځې  په ۲۰۱۸ کال کې  په پوځ کې ۲۰۵۰۰ تنه  د جنسي پلوه ځورول شوي دي.

دا شمیره  د تیر کال په پرتله  ۳۸ سلنه لوړه ده. همداشان  په ۲۰۱۸ کال کې  بیا د نوموړو  کسانو نه  یواځې ۶۳۰۰ تنو  مقاماتو  ته  په رسمي توکه شکایت کړی دی.

په ۲۰۱۶ کال کې په خپور شوي راپور کې په پوځ کې  د جنسي پلوه د ځورونو  شمیره ۱۴۹۰۰ وه چې  په ۲۰۱۸ کال کې بیا ۲۰۵۰۰ تنو ته لوړه شوې ده .

د امریکا د دفاع وزارت ویلي دي چې  د ۲۰۰۴ کال راهیسې  په پوځ کې د جنسي ځورونو د پيښو د کچې د راټیټولو   او هغه کسان  چې د جنسي پلوه ځورول کیږي په رسمي توګه  د شکایت کولو لپاره   د تشویقولو په  خاطر  یو زیات شمیر پرورګرامونه  عملي کړي دي.

خو ددې سره سره  په پوځ کې د جنسي ځورونو  مخه نه نیول کیږي.