د واتیکان یو جګپوړی چارواکی د جنسي پلوه د ماشومانو د ځورونې په تور زنداني شو

د واتیکان د اقتصاد پخوانی وزیر او  د استرالیا د کاتولیکو مسیحیانو د کلیسا کاردینال  جورج پل  په مالبورن ښار کې  د دندې پر مهال په کلیسا کې د جنسي پلوه د دوو ماشومانو د ځورونې  په تور په ۶ کاله  بند محکوم شو.

د واتیکان یو جګپوړی چارواکی د جنسي پلوه د ماشومانو د ځورونې په تور زنداني شو

 

۷۷ کالن کاردینال  جورج پل د ۱۹۹۶ او ۲۰۰۱ کلونو ترمنځه  د استرالیا  د مالبورن په ښار کې په کلیسا کې د اسقف اعظم په توګه  د دندې د ترسره کولو پر مهال په دوو ۱۳ کلونو  هلکانو  ماشومانو  جنسي تیری کړی وو. د مالبورن  سیمه ایزې محکمې  نوموړی  پړ وباله  او په ۶ کلونو بند يي محکوم کړ.

محکمې  د کاردینال  محاکمې جلسه  د تلویزیون له طریقه په ژوندۍ بڼې سره  خپره کړه. د محکمې قاضي  کاردینال ته په خطاب کې وویل چې « خلکو  او د قربانیانو کورنیو پر تا  باور کړی وو خو تا  د خپل مقام  او صلاحیت نه ناوړه استفاده وکړه. تا په شپږو کلونو بند  محکوموو.»

د ویلو ده چې  کاردینال جورج پل  د کاتولیکې کلیسا  لومړنی  جګپوړی  چارواکی  دی چې  د جنسي پلوه د ماشومانو د ځورونې  له امله محاکمه کیږي  او زندان ته  استول کیږي. د ویلو ده چې  کاردینال جورج  د ۲۰۱۹ کال  د جون په میاشت کې  د محکمې  په پریکړې  د اعتراض کولو  او درې کاله  او ۸ میاشتې وروسته بیا  په ضمانت  د خوشې کیدو په خاطر  د مراجعې  حق  پيدا کوي.

د بله پلوه د پيښې قربانیانو  د محکمې د پریکړې  په اړه خوښي وښوده او وویل چې  زندان ته د کاردینال  لیږل  ځانګړی اهمیت لري.

په کلیسا کې د جنسي د ځورنې د قربانیانو نه  یو تن  روب هاوس  خبري رسنیو ته وویل چې  پر ماشومانو د جنسي تیري کوونکو ته چې په هر مقام کې وي  جزا ورکول  په اصل کې ټولې نړۍ  ته  یو ډیر مهم  پیغام  دی.

 



اړوند خبرونه