هندوستان د پاکستان اړوند د یوې جنګي الوتکې د ویشتو ادعا کړې ده .
هندوستان او پاکستان ترمنځه په یو بل بریدونه
د هندوستان د بهرنیو چارو د وزارت ویاند راویش کمار نن خبري غونډې ته وویل چې ددوې هوايي ځواکونو د پاکستان یوه جنګي الوتکه چې هند هوايي حریم ته راننوتې وه رانسکوره کړه. هغه ویلي دي چې د پاکستان دا جنګي الوتکه د هندوستان د هوايي ځواکونو اړوند د میګ ۲۱ بیسون ډوله جنګي الوتکې سره ویشتل شوې ده .
هغه ویلي دي چې همداشان ددوې یوه جنګي الوتکه هم د پاکستان له لورې ویشتل شوې ده چې پيلوټ يي لا درکه دی. هغه ویلي دي چې پاکستان ددوې د الوتکې د پیلوټ د اسیر نیولو نه خبر ورکړی.
د ویلو ده چې نن د پاکستان د پوځ ویاند جنرال اصف غفور د دوو هندي جنګي الوتکو د ویشتو نه خبر ورکړ. هغه وویل چې د پاکستان هوايي ځواکونو د هندوستان اړوند دوه جنګي الوتکې چې د پاکستان خاور ته راننوتې وې په نښه کړې چې یوه د پاکستان په خاوره او بله بیا په جمو کشمیر کې ولویده.
پاکستان ویلي دي چې په پاکستان کې د لویدلې د هندي جنګې الوتکې پیلوټ يي هم نیولی دی.
اړوند خبرونه
د مالیزیا سمندري ځواکونو اړوند د دوو چورلکو د جنیګدو له امله لږ تر لږه لس تنو ژوند د لاسه ورکړ.
په مالیزیا کې د رسم ګذشت پریډ لپاره د تمرین پر مهال دوه چورلکو په هوا کې سره ټکر کړی دی