په فیلیپین په یوې کلیسا د غبرګو بمي بریدونو له امله قتل عام رامنځته شو.
په فیلیپین کې په کلیسا دوه بمي بریدونه وشول
د فیلیپین په سویل کې د ژولو په ټاپو کې د کاتولیکو مسیحیانو په یوې کلیسا غبرګ بمي بریدونه وشول.
د فیلیپین امنیتي مقاماتو ویلي دي چې پدې بریدونو کې د امنیتي ځواکونو او ملکي وګړو په ګډون ۲۷ تنو ژوند د لاسه ورکړی دی.
د فیلیپین نه د ترلاسه شوو معلوماتو له مخې لومړۍ چاودنه په کلیسا کې د دیني مراسمو پر مهال رامنځته شوه. همداشان دویمه چاودنه بیا د کلیسا نه بهر د موټرو په تم کې رامنځته شوه.
د فیلیپین د دفاع وزیر دیلفین لورن زانا ویلي دي چې د برید نه سمدلاسه وروسته امنیتي ځواکونه سیمې ته ولیږل او په سیمه کې کلک امنیتي تدابیر ونیول. هغه وویل چې د پیښې ټپيان هر څه ژر نږدې روغتونونو ته انتقال او د درملنې لاندې ونیول شول.
هغه ویلي دي چې چې ددې پيښې فاعلین به خامخا د عدالت منګولو ته وسپاري .
هغه ویلي دي چې پدې پيښه کې لږ تر لږه ۸ تنو سرتیرو هم ژوند د لاسه ورکړی دی.
پدې پيښه کې لږ تر لږه ۲۷ تنه مړه او تر ۷۰ تنو ډیر کسان ټپیان شوي دي.
د بله پلوه د فیلیپین ولسمشر د جګپوړو عسکري چارواکیو په ملګرتیا د کلیسا نه لیدنه وکړه.
اړوند خبرونه
د روسیې د دفاع وزارت مرستیال تیمور ایوانوف د رشوت اخیستو په شک ونیول شو.
د روسیې د تحقیقاتو کمیټې د دفاع د مرستیال وزیر تیمور ایوانوف د توقیف په اړه څرګندونې وکړې.