د پلار بوش د جنازې لپاره په واشنګټن کې دولتي مراسم جوړ شول

 د امریکا  متحده ایالتونو  ۴۱ ولسمشر  جورج ایچ ډبلیو بوش   چې د ۹۴ کلونو په عمر ژوند د لاسه ورکړ  د جنازې لپاره  په واشنګټن کې  دولتي مراسم  جوړ شول.

بوش  چې  د نوامبر په ۳۰ مه نیټته  په تکزاس  کې ژوند د لاسه ورکړی وو د تیرې دوشنبې په ورځ يي جنازه  پلازمینې واشنګټن ته  راوړل شوه.

د بوش لپاره  لومړی  د کانګرس په ودانۍ کې  د جنازې مراسم  جوړ شول  او وروسته  يي جنازه  د  سپینې مانۍ  د مخې نه تیره شوه  او ملي جامع کلیسا ته  یوړل شوه.

دلته  د بوش  د جنازې لپاره  دولتي مراسم  جوړ شوي وو. پدې مراسمو کې  د امریکا  د ولسمشر دونالد ټرمپ سربیره  پخواني ولسمشرانو بارک اوباما، بیل کلنټن، جیمي کارټر ، زوی جورج  ډبلیو بوش  ، میرمنو يي  او یو زیات شمیر بهرنیو هیوادونو مشرانو ګډون کړی وو.

د بوش  د جنازې په مراسمو کې  د هغه لمسیانو، د کاناډا پخواني لومړي وزیر بریان مولروني  او تاریخپوه جان ماکم  ویناوې وکړې.

همداشان  د جورج ایچ ډبلیو بوش  ستاینلیک  د هغه د زوی او د امریکا د پخواني ولسمشر جورج ډبلیو بوش لخوا  ولوستل شو.

د ویلو ده چې د پلار بوش  جنازه د تکزاس  ایالت  د هوسټن  په ښار کې د خپل لور او میرمنې  ترڅنګ  خاورې ته  وسپارل شي.