روسیه : زمونږ پوځي الوتکه د اسد د رژیم لخوا ویشتل شوې ده
روسیې د دفاع وزارت ویلي دي چې ددوې پوځي الوتکه د سوریې د ځواکونو لخوا اشتباه کې ویشتل شوې ده .
روسیې د دفاع وزارت چې ددینه مخکې ویلي وو چې الوتکه په مدیترانه کې لا درکه شوې ده نن وویل چې الوتکه د سوریې د ځواکونو لخوا د اس ۲۰۰ دفاعي توغندي سره ویشتل شوې ده .
روسیې ویلي دي چې ددوې الوتکه په اشتباهي توګه د اسد د ځواکونو لخوا ویشتل شوې ده. روسیې د نوموړې پیښې مسئولیت په اسراییلو واچو.
د روسیې د دفاع د وزارت ویاند ویلي دي چې اسراییلي پيلوټانو د روسیې پوځي الوتکه د چا خبره په قصدي ډول سره د سوریې د دفاع توغندیو مخې ته راوستې ده.
هغه ویلي دي چې اسراییلو د سوریې په لازقیه ښار د هوايي برید د ترسره کولو نه یواځې یوه دقیقه مخکې مونږ ته خبر راکړ چې پدې موده کې د الوتکې د خط سیر بدلول ناممکنه خبره وه.
هغه ویلي دي چې د اسراییلو لخوا شوی دا اقدام خصمانه بولو. د اسراییلو د بې مسئولیته چلند له امله د روسیې ۱۵ تنو سرتیرو ژوند د لاسه ورکړ.
روسیې ویلي دي چې د اسراییلو دا اقدام به بې ځواب پاتې نشي. روسیې ویلي دي چې اسراییلي پیلوټانو د روسي الوتکې نه د ځان لپاره د سپر په توګه کار اخیستی دی.
هغوې روسي الوتکه د توغندي مخکې ته ګوزارولو ته مجبوره کړې وه.
اړوند خبرونه
د روسیې د دفاع وزارت مرستیال تیمور ایوانوف د رشوت اخیستو په شک ونیول شو.
د روسیې د تحقیقاتو کمیټې د دفاع د مرستیال وزیر تیمور ایوانوف د توقیف په اړه څرګندونې وکړې.