امریکا : د داعش پر خلاف په مبارزه کې د ترکیې همکاري د قدر وړ ده
د داعش ترهګرې ډلې پر خلاف د مبارزې لپاره د امریکا متحده ایالتونو ځانګړي استازي بریت مک ګورک په سوریه کې د ترکیې او امریکا همکاري وستایله .
د داعش ترهګرې ډلې پر خلاف د مبارزې لپاره د امریکا متحده ایالتونو ځانګړي استازي بریت مک ګورک په سوریه کې د ترکیې او امریکا همکاري وستایله .
د امریکا د بهرنیو چارو وزارت لخوا په خپور شوي بیان کې راغلي دي چې مک ګورک په مراکش کې د داعش پر خلاف د ایتلاف د سیاسي مدیرانو عمومي غونډې ته په وینا کې د داعش پر خلاف په مبارزه کې د ترکیې د رول او همکارۍ ستاینه کړې وه.
هغه دې غونډې ته د داعش پر خلاف د مبارزې په اړه هر اړخیز معلومات ورکړ. هغه ددې خبرې په ټینګار وویل چې پدې وروستیو کې د ترکیې او امریکا ترمنځه همکارۍ ډیره مثبته نتیجه ورکړې ده . په ځانګړې توګه د سوریې د منبج په مسله کې زمونږ ترمنځه همکاري او په ګده کار کول د تقدیر وړ مسله ده. دا همکاري د تاوتریخوالي د کچې د راټیټولو په برخه کې ډیر ځانګړی اهمیت لري.
د منبج په اړه مو د ترکیې سره په ګده د لارې نقشه جوړه کړه. پدې اړه مذاکرات هم ډیر بریالي تیر شول. د لا زیاتو همکاریو هیله لرو.
ترکیه د ناټو په سازمان کې د امریکا ډیر نږدی متفق هیواد دی. د ترکیې همکاري د امریکا لپاره ځانګړی اهمیت لري.
هغه ویلي دي چې د داعش ترهګرې ډلې پر خلاف مبارزې ته به تر وروستۍ شیبې دوام لري. په سوریه او عراق کې د داعش د وروستي پاتې شوني د لمنځه وړو پورې به مبارزې ته دوام ورکړي.
د ویلو ده چې نوموړي د روان کال د فبروري په میاشت کې هم د داعش پر خلاف د مبارزې د نړۍوال ایتلاف د استازو سره غونډه کړې وه.
اړوند خبرونه
د روسیې د دفاع وزارت مرستیال تیمور ایوانوف د رشوت اخیستو په شک ونیول شو.
د روسیې د تحقیقاتو کمیټې د دفاع د مرستیال وزیر تیمور ایوانوف د توقیف په اړه څرګندونې وکړې.