د افریقا تر ټولو ټکړه فوټبالر د ولسمشر په توګه وټاکل شو.
د افریقا ټکړه فوټبالر بالاخره خپل هدف ته ورسید
د افریقا تر ټولو ټکړه فوټبالر د ولسمشر په توګه وټاکل شو.
د لیبریا پخوانی ملي او د نړۍ په کچه مشهور فوټبالر جورج واه د ولسمشرۍ په ټاکنو کې د ستر بري په ترلاسه کولو سره د ولسمشر په توګه وټاکل شو. ویل کیږي جورج واه د افریقا لخوا روزل شوی تر ټولو ټکړه فوټبالر عنوان لري.
د لیبریا د ټولټاکنو خپلواک کمیسیون د ولسمشرۍ د ټاکنو رسمي پایلې اعلان کړې. د پایلو له مخې افسانوي فوټبالر جورج واه د ۶۱ عشاریه ۵ سلنه رایو په ترلاسه کولو سره د خپل رقیب نه په غوڅ توپیر سره ټاکنې وکټلې. د ویلو ده چې پدې ټاکنو کې د جورج واه رقیب د نوموړي هیواد د ولسمشر مرستیال جوزیف یوماه بوواکي وو.
د یادولو وړ ده چې په لیبریا کې د ولسمشرۍ د ټاکنو لومړنی پړاو د اکتوبر د میاشتې په لسمه نیټه ترسره شو. په لومړني پړاو کې د جورج واه او د هغه ستر رقیب جوزیف سربیره ۲۰ تنو نورو نوماندانو ګډون کړی وو.
د ټاکنو په لومړني پړاو کې هیڅ یو نوماند ټاکلی نصاب ترلاسه نکړ او ټاکنې دویم پړاو ته وغځیدې.
په دویم پړاو کې ټاکنې تر ټولو د زیاتو رای ګټوونکو دوو تنو نوماندانو ترمنځه وشوې.
د یادولو وړ ده چې ۵۱ کلن جورج د لومړي ځل لپاره په ۲۰۰۵ کال کې د ولسمشرۍ لپاره ځان نوماند کړی وو. همداشان په ۲۰۱۱ کال کې بیا د ولسمشر د مرستیالۍ لپاره ځان نوماند کړ خو په دواړو ځلونو بریالی نشو. هغه په ۲۰۱۴ کال کې د نوموړي هیواد مشرانو جرګې ته لار پیدا کړه.
۵۱ کلن جورج واه په ځانګړې توګه د ځوانانو ترمنځه ډیر زیات محبوبیت لري.
د ویلو ده چې د لیبریا ولسمشره ایلن جانسن سیرلیاف په افریقا کې د خلکو په ازاده رایو ټاکل شوې لومړنۍ ولسمشره وه. همداشان د نوموړي هیواد د قوانینو له مخې هغه نشو کولی چې د بل ځل لپاره ځان نوماند کړي.
همداشان دا لومړی ځل دی چې په لیبریا کې واک په سوله ایزه توګه د یو ولسمشر نه بل ولسمشر ته انتقالیږي.
لیبریا د ۱۹۸۹ او ۲۰۰۳ کلونو ترمنځه د افریقا په تاریخ کې تر ټولو د خونړیو جګړو شاهدي وکړه. همداشان په نوموړي هیواد کې د ۲۰۱۴ کال راهیسې د ایبولا ناروغۍ حکومت او خلک د ډیرو سختو ننګونو سره مخامخ کړل. ددې هیواد اقتصاد هم ددې ناروغۍ له امله ډیر زیانمند شو. لیبریا د نړۍ تر ټولو د فقیرو هیوادونو په کتار کې ځای لري.
اړوند خبرونه
د مالیزیا سمندري ځواکونو اړوند د دوو چورلکو د جنیګدو له امله لږ تر لږه لس تنو ژوند د لاسه ورکړ.
په مالیزیا کې د رسم ګذشت پریډ لپاره د تمرین پر مهال دوه چورلکو په هوا کې سره ټکر کړی دی