د امریکا متحده ایالتونو د تکساس  په ایالت کې په کلیسا  خونړی  برید وشو.

د امریکا متحده ایالتونو د تکزاس  په ایالت کې په کلیسا  خونړی  برید وشو.

په تکزاس  په کلیسا  د خونړي برید له امله  د مړو شمیره  ۲۷ تنو ته  لوړه شوه.

پدې پیښه کې ګڼ شمیر کسان ټپیان شوي دي. عیني شاهدانو ویلي دي چې د برید پرمهال په کلیسا کې تر ۵۰ ډیرو کسانو  شتون درلود.

د ترلاسه شوي رپوټ له مخې  یو تن وسله وال په کلیسا برید وکړ. برید د سودرلنډ سپیرینګ  په سیمه کې  شوی دی . عیني شاهدانو په وینا  برید کوونکی کلیسا ته د ننوتو سره سم  يي په شاوخوا ډرې پیل کړې.

د امریکا د ان بي سي تلویزیون د خبر له مخې  په پيښه کې د مړو شمیره  ۲۷ تنو ته لوړه شوه.

د پیښې ټپیان  په امبولانس چورلکو کې  روغتونونو ته  انتقال شول. پداسې حال کې چې د برید لامل  معلوم  ندی برید کوونکو د پولیسو لخوا وژل شوی دی.

د برید کوونکی هویت هم  معلوم شو. برید  د ۲۶ کلن  دیوین پارتریک کیلي لخوا شوی دی. ویل کیږي برید کوونکی  د یو ماشوم  پلار  دی  او د یو څه مودې لپاره  د امریکا په پوځ کې هم دنده  ترلاسه کړې ده.

د ترلاسه شوي رپوټ له مخې برید کوونکي د برید پر مهال  ضد د مرمۍ  واسکټ هم  په تن  وو.

پدې برید کې  یو ۲ کلن، یو ۴ کلن ، یو  ۶ کلن درې تنو ماشومانو او د کلیسا د راهب ۱۴ کلنې  لور هم  ژوند  د لاسه ورکړی دی . ویل کیږي د برید کوونکي کورنۍ هم  په همدې سیمه کې  ژوند  کوي.

د ترکیې په امریکا کې په کلیسا  دا خونړی برید په کلکو ټکو غندلی دی.

د ترکیې د بهرنیو چارو وزارت لخوا په خپره شوې خبرپاڼه کې ویل شوي دي

« په ډیرې خواشینۍ سره  مو  د امریکا متحده ایالتونو د تکزاس په ایالت کې په کلیسا  د برید خبر چې  په لسګونو تنو ته  پکې مرګ ژوبله اړول شوې ده  ترلاسه کړ. ترکیه  دا برید په کلکو ټکو غندي. په پیښه کې د وژل شوو کسانو کورنیو او د امریکا ملت او دولت ته  د تسلیت مراتب وړاندې کوو  او خواخوږي ورسره کوو. »