روسیې د ایران په مسله کې یو ځل بیا د امریکا په مقابل کې سخت غبرګون څرګند کړ.
د امریکا پر خلاف د روسیې غبرګون !
روسیې د ایران په مسله کې یو ځل بیا د امریکا په مقابل کې سخت غبرګون څرګند کړ.
روسیې د امریکا لخوا د ایران د انقلاب ساتوونکو ځواکونو نوم د ترهګرو په لست کې د شاملولو د پلان په اړه سخت غبرګون وښود.
د افغانستان لپاره د روسیې د ولسمشر ولادیمیر پوتین ځانګړي استازي ضمیر کابلوف وویل ، د امریکا لخوا د ایران د انقلاب ساتوونکو ځواکونو نوم د ترهګرو په لست کې د شاملولو د پلان سره سخت مخالفت کوو او خبره زمونږ لپاره د منلو وړ نده.
هغه وویل چې روسیه ددې مسلې سره سخت مخالفت کوي او د ایران انقلاب ساتوونکو ځواکونو ته هیڅوخت د ترهګرو په سترګه نه ګوري.
کابلوف وویل ، امریکا دا ټول ګامونه د ایران سره د لاسلیک کړي اټومي تړون د ماتولو په خاطر کوي. هغه خبرداری ورکړ چې د امریکا لخوا د داسې کوم ګام د اوچتیدو سره به دا مسله په سیمې او سوریې هم ډیرې بدې اغیزې وکړي.
داسې ګونګوسې شتون لري چې ګواکې د امریکا متحده ایالتونو ولسمشر ټرامپ غواړي چې د روانې اوونۍ په دننه کې د ایران سره لاسلیک کړی اټومي تړون فسخه کړي او د ایران د انقلاب ساتوونکو ځواکونو نوم د ترهګرو په لست کې شامل کړي.
د بله پلوه ایران هم ګواښ کړی که چیرې امریکا ددوې ځواکونه د ترهګرو په لست کې شامل کړي دوی به هم په سوریه کې د امریکايي ځواکونو سره د داعش په څیر معامله او چلند وکړي.
دوی ته به د امریکايي ځواکونو او داعش ترهګرو ترمنځه کوم توپیر ونشي.