په اندونیزیا کې  د ژغورنې د ډلې  چورلکې  سقوط وکړ.

په اندونیزیا کې  د ژغورنې د ډلې  چورلکې  سقوط وکړ.

د اندونیزیا  د ژغورنې د ملي اژانس  اړوند یوه چورلکه  د نامعلوم لامل له امله  راوغورځیده. په پیښه کې د نوموړي هیواد د ژغورنې د اژانس ۸ تنه متخصصین  او کارکوونکي وژل شوي دي.

د اندونیزیا د رسمي خبري اژانس د خبر له مخې  ، د ژغورنې ډلې چورلکه  هله راوغورځیده  چې  د سلایر کراتو په سیمه کې  د یوې ډلې  سیلانیانو  د ژغورنې په خاطر تللې وه. ویل کیږي یوه ډله  سیلانیان  د سلایر کراتو په یو غره کې د اتشفشان د رامنځته کیدو نه وروسته  بند پاتې ول. د نوموړو  سیلانیانو نه  نږدې  لس تنه  ټپیان شوي ول.

د اندونیزیا چارواکیو ویلي دي چې  چورلکه  د جاوا ایالت د جنګل بولو په سیمه کې غورځیدلې ده. د پلټنې ډلو  چورلکه   پيدا کړه  چې په دوو پارچو بدله شوې وه. په پيښه کې په چورلکه کې  سپرو ۸ واړو  کسانو ژوند  د لاسه ورکړ.