د واتیکان تر ټولو دریم جګپوړی چارواکی په جنسي تیري کولو تورن شو
د پاپ سلاکار په جنسي تیري کولو تورن شو
د واتیکان تر ټولو دریم جګپوړی چارواکی استرالیايي کاردینال د یو نه په ډیرو ماشومانو باندې د جنسي تیري کولو په تور تورن شو.
د ویلو ده چې جورج پيل په نامه د کاتولیکو مسیحیانو د کلیسا دا جګپوړی چارواکی، د واتیکان د خزانې مسئول او د پاپ فرانسیس نږدې سلاکار د استرالیا د پولیسو لخوا په جنسي تیري کولو تورن شو.
هغه دا ټول تورونه رد کړي دي.
د استرالیا د ویکتوریا د ایالت پولیسو ویلي دي چې په کاردینال لګیدلي تورونه د تاریخي پیښو په اړه دي.
د ویکتوریا ایالت د پولیسو یو تن مشر شان پاتون خبریالانو ته وویل چې د واتیکان د خزانې په مسئول او کاردینال جورج پیل د یو نه د ډیرو کسانو لخوا د جنسي تیري کولو تورونه او ادعاګانې شتون لري. کاردینال بیا ټول تورونه رد کړي دي.
د بله پلوه د کاتولیکو مسیحیانو د کلیسا لخوا په خپره شوې خبرپاڼه کې ویل شوي دي چې کاردینال پيل به د ډاکټرانو د توصیې او تایید نه وروسته هر څه ژر استرالیا ته ستون شي. هغه د محکمې جلسې ته د ځان نه د سپیناوي په خاطر شیبې شمیرې او بې صبرانه انتظار باسي. ښاغلی پیل په هغه د لګیدولو تورونو په مقابل کې د ځان نه د دفاع کولو په خاطر بې صبرانه انتظار باسي.
د یادولو وړ ده چې کاردینال جورج پیل د واتیکال تر ټولو دریم لوړپوړی چارواکی دی. هغه د واتیکان د خزانې مشر او د پاپ نږدې سلاکار دی.
د ویکتوریا پولیسو ویلي دي چې په کاردینال دا تورونه د څارنوالۍ د توصیې له مخې لګول پورې شوي دي.
اړوند خبرونه
د مالیزیا سمندري ځواکونو اړوند د دوو چورلکو د جنیګدو له امله لږ تر لږه لس تنو ژوند د لاسه ورکړ.
په مالیزیا کې د رسم ګذشت پریډ لپاره د تمرین پر مهال دوه چورلکو په هوا کې سره ټکر کړی دی