ډنمارک افغانستان ته د سرتیرو د استولو پریکړه وځنډوله.
ډنمارک افغانستان ته د سرتیرو د استولو نه لاس په سر شو
ډنمارک افغانستان ته د سرتیرو د استولو پریکړه وځنډوله.
ډنمارک د امریکا متحده ایالتونو د غوښتنې په اساس افغانستان ته د ۵۵ تنو سرتیرو استولو پریکړه کړې وه چې تیره ورځ يي دا پریکړه بیرته وځنډوله.
د ډنمارک د بهرنیو چارو وزیر د ولسي جرګې د بهرنیو اړیکو د کمیسیون د غونډې نه وروسته خبریالانو ته وویل « حکومت افغانستان ته د ۵۵ تنه سرتیرو د استولو په برخه کې خپله پریکړه وځنډوله. »
هغه زیاته کړه چې ډنمارک به د ناټو سازمان د نورو غړیو هیوادونو د پریکړې له مخې پریکړه وکړي.
که چیرې د ناټو نور غړي افغانستان ته سرتیري واستوي ډنمارک به هم پدې برخه کې ګام اوچت کړي.
هغه وویل چې په افغانستان کې د کلونو کلونو راهیسې جګړه دوام لري. سره ددې چې پدې هیواد کې د روانې ستونزې د حل په خاطر د ذرې په اندازه امید شتون نلري خو بیا هم ډنمارک په افغانستان کې د موازنو د جوړولو په خاطر مرستې ته اماده دی.
هغه زیاته کړه که چیرې افغانستان ته سرتیري هم واستوي ډنمارکي سرتیري به په کابل کې د امنیت او نقلیاتو په برخه کې دنده ترسره کړي. په جګړه کې به ګډون ونکړي.