د امريكا د پارلمان پر غړو وسله وال بريد
د امريكا د متحدو ايالتونو د كانګرس پر غړو باندې وسله وال بريد شوى دى.
ددې هېواد ويرجينيا په ايالت كې د كانګرس پر غړو باندې چې د بېزبال لوبه يې كوله، وسله وال بريد شوى دى. په بريد كې د يو تن غړي سټيف سكېلايس په ګډون ۵ تنه په ډزو ويشتل شوي دي.
سټيف كېلايس چې په كانګرس كې د جمهوري غوښتونكو د ګوند غړى دى، په پښه لګېدلى او روغتون ته لېږدول شوى دى.
د عيني شاهدانو د وينا پر اساس يو تن بريد كوونكي د لوبې په ډګر كې پر لوبغاړو ډزې پيل كړې. په لوبه كې د كانګرس ۲۵ غړو ګډون كړى وو.
د واشنګټن پوسټ ورځپاڼې بيا ليكلي دي چې بريدګر ۶۶ كلن جېمز هاډكېنسن نوميږي خو د بريد د لامل په اړه څه نه دي ويل شوي.
د بله پلوه د امريكا ولسمشر ډانلډ ټرمپ پدې اړه وويل چې بريدګر د پوليسو تر نظارت لاندې د ټپونو له امله مړ شوى دى.
په پېښه كې د ټپي شوي وكيل روغتيايي حالت ثابت ښودل شوى دى.
اړوند خبرونه
د مالیزیا سمندري ځواکونو اړوند د دوو چورلکو د جنیګدو له امله لږ تر لږه لس تنو ژوند د لاسه ورکړ.
په مالیزیا کې د رسم ګذشت پریډ لپاره د تمرین پر مهال دوه چورلکو په هوا کې سره ټکر کړی دی
